Pilipinas Today Batangas

Hindi pa desididong tumakbo sa pagkapangulo sa 2028 elections si Department of the Interior and Local Government (DILG) Secretary Jonvic Remulla, na nagsabing mas malaki ang posibilidad na bumalik siya sa pamumuno sa Cavite.

Sa isang pahayag, sinabi ni Remulla na alam niya umano ang mga kailangang gawin para maayos ang bansa, ngunit sa palagay niya ay hindi pa handa ang Pilipinas para sa kanya. Dahil dito, nananatili pa rin siyang maingat sa usapin ng posibleng presidential run.

Samantala, nagbigay naman ng reaksiyon si dating presidential spokesperson Atty. Harry Roque sa naturang pahayag at sinabing "good" ang naging desisyon ng kalihim.

Una nang nagkairingan sina Remulla at Roque kaugnay ng nakabimbing arrest warrant laban kay Roque sa kasong qualified human traff!cking. Iginigiit naman ni Roque na pending pa ang asylum application niya sa Austria.

JACKIE GONZAGA, NANG-'SLAY' SA AURORA MUSIC FESTIVAL🎡🎶✨

Umani ng papuri ang dancer-host na si Jackie Gonzaga, o mas kilala bilang "Ate Girl," sa kanyang latest Instagram post tampok ang mga litratong kuha mula sa Aurora Music Festival.

(Courtesy: @‌jackiegirlg / IG)

Ibinahagi ni Miss Universe 2018 Catriona Gray ang kanyang adbokasiya matapos bumisita sa Sitio Catugasan sa Siquijor, kung saan nakita niya ang aktuwal na kalagayan ng isang komunidad na limitado ang access sa malinis na tubig.

“Our first community visit in Siquijor was to Sitio Catugasan, where 100+ residents live on a mountaintop, isolated from the rest of the Barangay," mababasa sa caption ni Catriona.

"Their current water situation sees them receive water rations every 4 days through a 10km pipe collected to a spring, as well as makeshift rainwater collection systems such as drums and buckets—but it’s not enough for daily use,” mababasa sa caption post ni Catriona.

Nagpasalamat ang beauty queen-actress sa mga tumulong sa kanya upang makarating sa komunidad at magsagawa ng educational workshop sa lugar tungkol sa importansiya ng pagkakaroon ng access sa malinis na tubig.

Courtesy: catriona_gray/Instagram