Ang Divine Lens

𝐏𝐈𝐍𝐀𝐊𝐈𝐊𝐈𝐋𝐀𝐋𝐀: 𝐀𝐍𝐆 𝐄𝐃𝐈𝐓𝐎𝐑𝐈𝐀𝐋 𝐒𝐐𝐔𝐀𝐃! 🏆

Kilalanin ang mga taong mangunguna sa ating opisyal na pahayagan!

Sa kanilang pamumuno, pagkamalikhain, at dedikasyon, magsisimula ang panibagong kabanata ng ating pamamahayag.

Narito ang ating Editorial Board—handa sa paglilingkod, handa sa hamon, at handang magsulat ng panibagong kasaysayan. ❤️‍🔥

𝙎𝘾𝙍𝙀𝙀𝙉𝙄𝙉𝙂 | 𝖠𝗇𝗀 𝖣𝗂𝗏𝗂𝗇𝖾 𝖫𝖾𝗇𝗌 🔎

May hilig ka ba sa pagsusulat, pagkuha ng larawan, pag-uulat, o pagbabahagi ng katotohanan? Ito na ang pagkakataon mong maging bahagi ng Ang Divine Lens.

Inaanyayahan ang lahat ng interesadong mag-aaral na dumalo sa Screening ngayong Hunyo 30, 2026, sa St. Roch (Room AB-B4).

Ipakita ang iyong talento, pagkamalikhain, at dedikasyon sa larangan ng pamamahayag.
Maging boses ng katotohanan.

Maging mata ng komunidad. Maging bahagi ng Ang Divine Lens.

Kita-kits sa screening! 💚

𝐂𝐋𝐀𝐒𝐒𝐀𝐋𝐔𝐁𝐎𝐍𝐆: 𝐀𝐩𝐨𝐲 𝐧𝐠 𝐁𝐚𝐠𝐨𝐧𝐠 𝐒𝐢𝐦𝐮𝐥𝐚 𝐧𝐠 𝐀.𝐘. 𝟐𝟎𝟐𝟔-𝟐𝟎𝟐𝟕
Opisyal nang nagsimula ang taong panuruang 2026-2027 ng Divine Word College of San Jose (DWCSJ) Basic Education Department nang salubungin ang taunang Welcome Walk para sa mga estudyante na pinamagatang “CLASSALUBONG 2026,” na ginanap sa Fr. McSherry Gymnasium nitong Hunyo 17, 2026.

Nagsimulang magtipon-tipon ang mga mag-aaral sa tapat ng Arnoldus Chapel suot ang kulay na itinalaga batay sa kanilang antas ng baitang: dilaw para sa elementarya; rosas para sa ika-pitong baitang; berde sa ika-walong baitang; p**a sa ika-siyam na baitang; at asul para sa ika-sampung baitang; habang kahel at puti naman para sa departamento ng Senior High.

Pinangunahan ng DWCSJ Drum and Lyre Corps ang parada patungo sa tapat ng gymnasium at sinalubong mula roon ang mga papasok na estudyante mula sa iba’t ibang departamento ng Basic Education. Ang mga kinatawan ng mga organisasyon ay nagbigay rin ng mga flyer tungkol sa kanilang kapisanan upang makakuha ng mga bagong miyembro para sa bagong taong panuruang ito.

Pinangunahan nina Bb. Mary Christian Jane Nolia at G. Clark John Torga bilang Masters of Ceremonies sa salubong kasama ng iba pang mga opisyales ng iba’t ibang samahan kasunod ng panimulang panalangin mula kay G. Clyde Jaiden Gumasing.

Malugod na bumati ang BED Principal na si Dr. Jason S. Valera at ipinaabot ang kanyang kagalakan sa mga bago at mga nagbabalik na estudyante dahil sa patuloy na suportang ibinibigay sa institusyon.

Nagkaroon din ng pagkakataon ang Drum and Lyre Corps upang ipamalas ang kanilang galing sa pamamagitan ng isang Band Exhibition at pag-anyaya mula sa Mother Baton na si Bb. Atasha D. Cruz sa mga mag-aaral na sumali sa samahan.
Naipamalas din ang pananabik ng mga estudyante at mga g**o noong nagkaroon ng mga pagtatanghal ng pagkanta mula sa Refrain Band at kay Bb. Treikcybel Talania na nagpa-indak sa lahat. Samantala, nagtanghal naman ng kakaiba at masiglang sayaw ang mga piling estudyante mula sa tatlong departamento ng paaralan.

Hindi rin nagpahuli ang iba’t ibang organisasyon ng Senior High dahil sa kanilang mga inihandang palaro at community dance upang masiglahan at mabuhayan ang madla.

Nagtapos ang programa sa pagpapatugtog at pagkanta ng Alumni Hymn at pangwakas na bilin ni Gng. Ephegenia N. Pagayonan, ang Junior High School Academic Coordinator. Binigyang-diin niya ang pagkakaroon ng isang masaya at produktibong taon ng pag-aaral.

--------------------------------------

Isinulat ni: Fiona Marie D. Perez
Larawan ni: Samantha M. Cantere
Pag-aanyo ni: Zeira Jane G. Tolentino

“What makes you different is what makes you special.”

Sa isang komunidad ng iba’t ibang kakayahan at pananaw, ang bawat mag-aaral ay may mahalagang papel sa paglikha ng kapaligirang puno ng paggalang, pag-unawa, at pagkatuto.