Lucbuban ElemSchool

"Patpatgenmi nga nagannak ti pageskuelaan tayo nga LUCBUBAN ELEMENTARY SCHOOL:
Umadanin ti panaglukat ti klase inton Agosto 24, 2020. Ngem sabsabali ita. Basaen dagiti sumaganad:
📌 Awan ti "face to face" a panagklase inggana nga awan ti bakuna kontra Covid-19. Adda klase ngem dagiti ubbing ket saandan nga umay iti pagadalan.
📌 Ti wagas ti panagadal ket saan nga online. Adda dagitay makunkuna a "modular" ken "blended learning." No awan ti sidadaan a gadget ken internet, saankayo nga agdanag. Addanto dagitay modyul a maiwaras inton mangrugi ti klase.
📌 Saankayo nga ag-panic ti panaggatang kadagiti workbook. Dagiti mangisursuro ket agisagsaganada kadagiti modyul para kadagiti annakyo. Dagitoy a modyul ket nasayaat ti pannakaurnosda ken maiyannatop kadagiti annaktayo.
📌 Saankayo nga dumawat wenno gumatang kadagiti "file" manipud 1st inggana ti 4th Quarter. Ti panagadal ket kasla pannangan-- in-inut laeng. No gulpe a maited, mabalin a maltotan dagiti annaktayo. 😅😅😅
📌 Saankayo nga ag-"panic buying" kadagiti wifi modem, laptop, gadget, workbook ken printer. Dagiti presyo ti wifi, modem ken printer ket nangina. Dagitoy ket naing-inget a kasapulan dagiti mangisursuro para iti pannakaisagana dagiti modyul dagiti annaktayo.
📌 Saankayo met nga madanagan iti panangisuroyo kadagiti annakyo.🙂 Saankayo a madanagan no saanyo nga masungbatan dagiti saludsod dagiti annakyo bayat iti panagadalna iti uneg ti pagtaenganyo. Saankayo koma nga mabain nga agdamag kadagiti mangisursuro. 😊
📌 Daytoy baro a normal ket responsibilidad a pagbabadangan dagiti mangisursuro, nagannak ken komunidad. Saanyo a bukodan dagiti maaaramid. Addakami a mangisursuro.💖 Ngem dawatenmi nga saanyo koma amin nga ipabaklay kadakami, agtitinnulong tayo. Amin dagitoy ket para iti pagsayaatan dagiti annak tayo.
📌 Daytoy kunada a "NEW NORMAL" ket maysa a dakkel a karit para kadatayo a pada-pada- nagannak, mangisursuro ken agad-adal. Agpipinnateg ken agtitinnulongtayo kadi amin.
Stay safe.. 🙏😇


😊😊😊

Validation of proposed site for our school clinic.

Thank you po Engr. Quiba, Ma'am Perlita Brillantes and Sir Rogelio Amgao.

We are looking forward for the expansion and future development of our school ❤️