Mayor Pedy B. Sabando

𝘽𝘼𝙍𝘼𝙉𝙂𝘼𝙔 𝙈𝙄𝙉𝘼𝙍𝘼 𝘼𝙎𝙎𝙀𝙈𝘽𝙇𝙔 𝘿𝘼𝙔: 𝙈𝘼𝙔𝙊𝙍 𝙋𝙀𝘿𝙔 𝙎𝘼𝘽𝘼𝙉𝘿𝙊 𝙄𝘽𝙄𝙉𝘼𝘽𝘼𝙇𝙄𝙆 𝘼𝙉𝙂 𝙎𝙀𝙍𝘽𝙄𝙎𝙔𝙊 𝙋𝘼𝙍𝘼 𝙎𝘼 𝙏𝘼𝙊𝙉𝙂 𝘽𝘼𝙔𝘼𝙉!

Buong pusong dumalo si Mayor Pedy B. Sabando sa ginanap na Barangay Assembly Day ng Barangay Minara bilang tugon sa imbitasyon ng pamunuan ng barangay.

Sa kanyang mensahe, ibinahagi ng Alkalde ang mga pangunahing programang isinusulong ng lokal na pamahalaan na layong mapabuti ang kalagayan ng mamamayan. Kabilang dito ang patuloy na paglalaan ng pondo para sa mga paaralang elementarya at sekondarya, pagbibigay ng tulong pinansyal sa mga nangangailangan, libreng gamot at dugo, at pagdaragdag ng mga ambulansya sa bayan.

Inilahad din ni Mayor Pedy ang pagbibigay ng tig-iisang milyong piso sa bawat barangay para sa kanilang mga prayoridad na proyekto, pati na rin ang suporta sa mga barangay festival. Bukod dito, binigyang-diin ang pagkakaloob ng allowance para sa mga Persons with Disability (PWD), solo parents, at mga senior citizen na hindi saklaw ng social pension.

Ayon sa Alkalde, ang mga programang ito ay mula sa pondo ng bayan at nararapat lamang na maibalik sa mamamayan sa pamamagitan ng maayos at tapat na serbisyo.
“Ang perang ito ay para sa taong bayan, kaya ibinabalik natin ito sa inyo sa pamamagitan ng mga serbisyong tunay na makatutulong sa bawat isa".

Nagpapakita lamang ito na ang layon ni Mayor Pedy Sabando ay kaunlaran para sa bayan ng Roxas.Nagpahayag naman ng pasasalamat ang mga opisyal at residente ng Barangay Minara sa patuloy na suporta ng lokal na pamahalaan sa kanilang komunidad.

𝐑𝐎𝐗𝐀𝐒, 𝐏𝐀𝐋𝐀𝐖𝐀𝐍 | 𝐌𝐀𝐊𝐀𝐁𝐀𝐘𝐀𝐍𝐆 𝐒𝐄𝐑𝐄𝐌𝐎𝐍𝐘𝐀 𝐍𝐆 𝐏𝐀𝐆𝐓𝐀𝐀𝐒 𝐍𝐆 𝐁𝐀𝐍𝐃𝐈𝐋𝐀 𝐍𝐆 𝐏𝐈𝐋𝐈𝐏𝐈𝐍𝐀𝐒

Isang makabayang seremonya ng pagtataas ng bandila ng Pilipinas ang naidaos ngayong umaga sa Municipal ground ng lokal na pamahalaan ng bayan ng Roxas sa pamumuno ni Punong Bayan Mayor Pedy B. Sabando, bilang pagsunod sa itinakda ng Republic Act No. 8491 ( Flag and Heraldic Code of the Philippines).

Pinangunahan ang nasabing seremonya ng mga kawani ng Municipal Community Affairs Public Assistance Office (MCAPAO), bilang pagganap ng kanilang tungkulin sa lingguhang flag-raising lead office.

Dinaluhan ito ng mga Sangguniang Bayan Members, Department Heads at lahat ng kawani mula sa iba’t ibang tanggapan ng lokal na pamahalaan at mga kinatawan ng mga nasyunal na ahensya na naglilingkod sa bayan.

Layunin ng seremonya ng pagtataas ng watawat na patuloy na mapalakas ang diwa ng nasyonalismo, pagmamahal sa bayan, at paggalang sa watawat bilang simbolo ng kalayaan at pagkakaisa ng sambayanang Pilipino.

Patuloy namang hinihikayat ng pamahalaang bayan ang lahat ng kawani na aktibong makilahok sa lingguhang flag raising ceremony.

📢 PAALALA SA PUBLIKO | HOTLINE NG OFFICE OF THE MUNICIPAL MAYOR

Ipinapaalam po sa lahat ng mamamayan na maaari na kayong direktang makipag-ugnayan sa Office of the Municipal Mayor sa pamamagitan ng hotline number:

📱 0935-051-7854

Ang numerong ito ay bukas para sa inyong mga katanungan, suhestiyon, kahilingan, at iba pang mahahalagang concern na nais ipaabot sa tanggapan ng ating Punong Bayan.

Patuloy po ang ating Lokal na Pamahalaan sa pagbibigay ng mabilis, maaasahan, at serbisyong may malasakit para sa bawat mamamayan.

𝗟𝗚𝗨 𝗥𝗢𝗫𝗔𝗦, 𝗡𝗔𝗞𝗜𝗜𝗦𝗔 𝗦𝗔 𝟮𝟬𝟮𝟱 𝟯𝗿𝗱 𝗤𝗨𝗔𝗥𝗧𝗘𝗥 𝗣𝗣𝗠𝗖 𝗠𝗘𝗘𝗧𝗜𝗡𝗚

Isinagawa ngayong araw ang 2025 3rd Quarter Provincial Project Monitoring Committee (PPMC) Meeting na pinangunahan ng Provincial Government of Palawan sa pamamagitan ng Provincial Planning and Development Office (PPDO), na ginanap sa Capitol Complex, Puerto Princesa City.

Layunin ng pulong na masusing talakayin ang 3rd Quarter Status of Implementation ng mga Programa, Proyekto at Aktibidad (PPAs) para sa CY 2025, kabilang ang mga PGP-implemented GPPAs, 20% Development Fund GPPAs, at mga carried-over projects mula CY 2014–2024. Ibinahagi rin ang field monitoring reports ng mga programang pinondohan ng pamahalaan, kabilang ang resulta ng 3rd quarter field monitoring at listahan ng mga PGP loan-funded projects na isinailalim sa masusing pagsusuri.

Tinalakay din sa pagpupulong ang Local Project Monitoring Committee (LPMC) Functionality Report, gayundin ang iba pang mahahalagang usapin na may kinalaman sa pagpapalakas ng mekanismo sa pagsubaybay at pagpapatupad ng mga proyekto sa buong lalawigan.

Dumalo sa nasabing pagpupulong si Hon. Mayor Pedy B. Sabando bilang kinatawan ng LGU Roxas, kasama ang iba pang lokal na punong ehekutibo at mga kinatawan mula sa iba’t ibang ahensya ng pamahalaan at sektor, bilang pagpapakita ng patuloy na pakikiisa sa adhikain ng maayos, transparent, at epektibong paghahatid ng mga programa at serbisyong panlalawigan para sa kapakanan ng mamamayan.






Please follow and share 🩵 🤍
Thank you and Godbless 😇

𝗔𝗖𝗔𝗗𝗘𝗠𝗘 𝗡𝗜𝗚𝗛𝗧 𝗦𝗢𝗨𝗧𝗛 𝗗𝗜𝗦𝗧𝗥𝗜𝗖𝗧 𝗕𝗔𝗛𝗔𝗚𝗜 𝗡𝗚 𝗣𝗔𝗦𝗞𝗨𝗛𝗔𝗡 𝗦𝗔 𝗥𝗢𝗫𝗔𝗦 2025

Matagumpay na naisagawa ang Academe Night bilang bahagi ng pagdiriwang ng Paskuhan sa Roxas 2025—isang espesyal na programa na tampok ang makukulay at malikhaing pagtatanghal mula sa iba’t ibang paaralan at akademikong grupo sa bayan.

Mas lalong nagningning ang diwa ng Pasko sa pamamagitan ng mga awit, sayaw, at iba’t ibang performances na inihandog ng mga estudyante at kinatawan ng akademya, na nagbigay-buhay at sigla sa selebrasyon.

Layunin ni Punong Bayan Pedy Bautista Sabando na aktibong makilahok ang mga kabataan at mag-aaral sa mga gawaing pampamayanan upang sama-samang maipadama ang diwa ng pagkakaisa at kasiyahan ngayong Kapaskuhan.

𝗣𝗔𝗧𝗔𝗦 𝗔𝗧 𝗠𝗔𝗔𝗬𝗢𝗦 𝗡𝗔 𝗣𝗥𝗢𝗦𝗘𝗦𝗢, 𝗜𝗣𝗜𝗡𝗔𝗜𝗥𝗔𝗟 𝗡𝗜 𝗠𝗔𝗬𝗢𝗥 𝗣𝗘𝗗𝗬 𝗦𝗔 𝗨𝗦𝗔𝗣𝗜𝗡 𝗡𝗚 𝗛𝗘𝗔 𝗡𝗔 𝗠𝗔𝗧𝗔𝗧𝗔𝗡𝗚𝗚𝗔𝗣 𝗡𝗔 𝗕𝗔𝗚𝗢 𝗠𝗔𝗚-𝗣𝗔𝗦𝗞𝗢

Upang tuluyan nang maresolba ang usapin hinggil sa Health Emergency Allowance (HEA) ng mga healthworkers at frontliners na nagsilbi noong kasagsagan ng Covid-19 pandemic, muling nakipagpulong ang mga health workers ng Rural Health Unit (RHU) kay Punong Bayan Pedy B. Sabando.

Sa pulong, malinaw na inihayag ni Mayor Pedy na kanyang ipag-uutos ang agarang paglalabas ng tseke na kanya nang napirmahan upang matiyak na matatanggap na ng mga karapat-dapat na kawani ang kanilang HEA. Ito ay matapos ang masusing beripikasyon at pagsunod sa tamang proseso upang masiguro ang patas at makatarungang pamamahagi ng benepisyo.

Matatandaang naging masalimuot ang usapin ng HEA dahil sa mga reklamong natanggap ng alkalde mula sa iba’t ibang grupo at indibidwal, kaugnay ng umano’y pagkakaiba-iba sa listahan ng mga benepisyaryo—may mga natanggal at may mga idinagdag na hindi naman nagsilbi noong kasagsagan ng pandemya. Sa kabila ng mga batikos at malisyosong komento sa social media, pinili ni Mayor Pedy ang isang maingat at makatarungang hakbang sa pamamagitan ng pansamantalang pagpapaliban sa pag-release ng tseke.

Binigyang-diin ng alkalde na kinailangan munang hingin ang opisyal na listahan mula sa Department of Health (DOH) at ipag-utos sa Municipal Health Office (MHO) na makipagtulungan sa bawat barangay upang ayusin at beripikahin ang kani-kanilang listahan. Layunin nitong matiyak na tanging ang mga tunay na naglingkod noong pandemya ang makatatanggap ng HEA.

Bilang patunay ng kanyang malasakit at pagpapahalaga sa kapakanan ng mga health workers, nangako si Mayor Pedy B. Sabando na bago sumapit ang Pasko ay matatanggap na ng mga karapat-dapat na benepisyaryo ang kanilang Health Emergency Allowance—isang patunay ng maayos, organisado, at patas na pamumuno sa lokal na pamahalaan.

𝗞𝗔𝗦𝗔𝗟𝗔𝗡𝗚 𝗦𝗜𝗕𝗜𝗟 l Pinag-isa sa kasalang sibil sa tanggapan ni Mayor Pedy B. Sabando ngayong araw, sina Jericho at Rodelyn ay opisyal nang mag-asawa, na sinaksihan ng kanilang pamilya at mga malalapit na kaibigan. Ang seremonyang ito ay isa sa mga programang pinapahalagahan ng ating lokal na pamahalaan upang suportahan ang masayang pagsisimula ng bagong yugto sa buhay ng ating mga kababayan.

Congratulations!!

𝗞𝗔𝗦𝗔𝗟𝗔𝗡𝗚 𝗦𝗜𝗕𝗜𝗟 I Ngayong araw, personal na pinangunahan ni Punong Bayan Pedy Bautista Sabando ang isinagawang kasalang sibil nina Adrian at Jenny sa Tanggapan ng Alkalde, bilang patunay ng patuloy na malasakit ng Lokal na Pamahalaan sa pagtataguyod ng pamilya bilang pundasyon ng isang matatag na komunidad.

Taos-pusong pagbati at pinakamainam na hangarin sa bagong yugto ng inyong buhay mag-asawa. 💍✨

𝐏𝐀𝐒𝐊𝐔𝐇𝐀𝐍 𝐒𝐀 𝐑𝐎𝐗𝐀𝐒 𝟐𝟎𝟐𝟓: 𝐒𝐊 𝐍𝐈𝐆𝐇𝐓, 𝐏𝐀𝐆𝐁𝐀𝐁𝐀𝐇𝐀𝐆𝐈 𝐍𝐆 𝐓𝐀𝐋𝐄𝐍𝐓𝐎 𝐁𝐈𝐋𝐀𝐍𝐆 𝐈𝐍𝐒𝐏𝐈𝐑𝐀𝐒𝐘𝐎𝐍 𝐒𝐀 𝐌𝐆𝐀 𝐊𝐀𝐁𝐀𝐓𝐀𝐀𝐍

Isinagawa ngayong gabi ang SK Night bilang bahagi ng Paskuhan sa Roxas 2025, kung saan tampok ang iba’t ibang talento ng mga kabataang nagmula sa iba’t ibang barangay ng Bayan ng Roxas.

Layunin ni Mayor Pedy Bautista Sabando na aktibong makilahok ang mga kabataan sa mga programang inihahandog ng Lokal na Pamahalaan upang mapaunlad ang kanilang kakayahan at maipamalas ang kanilang husay sa iba’t ibang larangan.

Bilang kinatawan ng Alkalde, naghatid ng mensahe si Sangguniang Bayan Member Alonzo Gabinete, kasama sina SB Nardo Apgao at SB Bernie Valdez, na nagbigay-diin sa kahalagahan ng talento, disiplina, at positibong pakikilahok ng kabataan sa komunidad.

Ang naturang aktibidad ay nagsilbing inspirasyon sa mga kabataan na patuloy na paunlarin hindi lamang ang kanilang sarili sa akademiko at moral na aspeto, kundi pati na rin sa kanilang mga likas na talento na maaaring maging daan sa mas maliwanag na kinabukasan.






Please follow and share 🩵🤍
Thank you and Godbless 😇