K5 News FM Roxas

𝐋𝐎𝐊𝐀𝐋 | 𝐑𝐄𝐆𝐈𝐎𝐍𝐀𝐋 𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 𝟐𝟎𝟐𝟔, 𝐆𝐈𝐍𝐇𝐎𝐒𝐓 𝐒𝐀𝐍𝐆 𝐁𝐀𝐍𝐖𝐀 𝐒𝐀𝐍𝐆 𝐌𝐀𝐀𝐘𝐎𝐍

𝗕𝘆 𝗠𝘆𝗹𝗮 𝗙𝘂𝗲𝗻𝘁𝗲𝘀 | 𝗝𝘂𝗻𝗲 𝟯, 𝟮𝟬𝟮𝟲

Madinalag-on nga ginhiwat sa banwa sang Maayon ang Regional Brigada Eskwela 2026, nga gintambungan sang mga opisyal sang Department of Education kag mga delegado halin sa nagkalain-lain nga dibisyon sa Western Visayas.

Sa iya mensahe, ginpasalamatan ni Mayor Raymond Malapajo ang DepEd sa pagsalig kag pagpili sa Maayon bilang host sang amo nga importante nga aktibidad.

Suno sa alkalde, isa ini ka daku nga kadungganan para sa banwa kag pamatuod sang padayon nga suporta sang lokal nga panguluhanon sa sektor sang edukasyon.

Ginpahayag man ni Mayor Malapajo nga ang kahuy-anan sang DepEd amo man ang kahuy-anan sang LGU Maayon, gani dako ang ila pagpanikasog kag ginpreparahan bangud nagapati ini nga ang edukasyon isa sa pinakaimportante nga pundasyon sa paghulma sang mas maayo nga palaabuton sang kabataan.

Nagalaum man ang alkalde nga indi ini ang una kag katapusan nga kahigayunan nga mangin tigbalay ang Maayon sang mga kaangay nga regional kag national nga aktibidad.

Samtang nagapadayon ang Brigada Eskwela, nagpakita sang pagbinuligay ang nagkalain-lain nga sektor sang komunidad sa pag-andam sang mga buluthuan para sa pagbukas sang klase sa School Year 2026–2027.

Sa katapusan, ginpasalamatan sang alkalde ang tanan nga bisita, delegado, kag mga partisipante nga nagkadto kag nagbulig sa Regional Brigada Eskwela 2026.

NEWS UPDATE | ‎STAFF SANG PALINA GREENBELT ECOPARK, NAKIT-AN NA
‎
‎By Roadnie Daban Dalanon | June 3, 2026

‎Bangkay na sang nasapwan sa kalalawran nga sakop sang Barangay Barra, Roxas City takna las 11:00 sang aga, Hunyo 3 ang staff sa Palina Greenbelt Ecopark, Barangay Cagay, Roxas City.
‎
‎Ang biktima amo si Rogelio Denaga, 47-anyos.
‎
‎Sa interview sang K5 News FM Roxas sa kay Rigor Otelia, manugpangisda nga nakakita mismo sa bangkay, iya ginpahayag nga mangisda kuntani ini sang may nanotisyaran sya nga panapton nga nagatunga sa dagat.
‎
‎Suno kay Otelia, tion nga ginkapkap niya ang amo nga panapton, nahikapan niya ang tiil sang bangkay nga nagresulta sa pagkadiskubre sini.
‎
‎Gilayon naman ini nga ginpadulungan sang search and rescue team bangud nga indi man maglayo ang antad sang mga ini.
‎
‎Diri kag ginkumpirma nga ang amo nga bangkay amo ang nasambit nga staff sang ecopark.
‎
Matandaan nga nadula ang nasambit nga persona sang Dominggo takna las 2:00 sang Hapon, Mayo 31.

‎Sa subong, gindala na ang bangkay sa isa ka punerarya sa syudad sang Roxas.

K5 ENTERTAINMENT | TAYLOR SWIFT MAY PANIBAG-O NGA KANTA PARA SA ‘TOY STORY 5’

By Ma. Rochelle Ebron | June 3, 2026

Gin-anusiyo sang pop superstar nga si Taylor Swift nga nag-compose ini sang panibag-o nga kanta para sa ginabantayan nga animated movie nga “Toy Story 5”.

Sa iya post sa social media platform, ginbuyagyag sang 14-time Grammy winner ang titulo sang iya new original song.

Suno pa sa singer-songwriter, bata pa lamang ini gina-idolo na niya ang mga karakter humalin sang ginpaguwa ang una nga “Toy Story” nga pelikula sang 1995.

Samtang, natalana naman nga ipaguwa ang “Toy Story 5” sa mga sinehan sa bug-os nga kalibutan umpisa June 19.

Find the latest news and information here:
‎https://www.facebook.com/groups/5433774736645634/?ref=share_group_link

‎Ini nga balita gindul-ong sa inyo sang THE POWER TRIO!
‎ClinicaDTX500- The superior antioxidant!
‎ClinicaD3BIO - The antiviral specialist!
‎MIGHTYCEE -The immunity booster!

‎Available sa Clinica De Alternativo Medicina and Wellness Center, Mckinley Street, Roxas City kag sa mga nagapanguna nga botika sa inyo nga lugar.

‎For More Inquiries, Call Us At: 0966-901-9208

‎𝑷𝒂𝒓𝒂 𝒔𝒂 𝑲𝒂𝒎𝒑𝒆𝒐𝒏 𝒏𝒈𝒂 𝑩𝒂𝒍𝒊𝒕𝒂, 𝑺𝒆𝒓𝒃𝒊𝒔𝒚𝒐 𝑷𝒖𝒃𝒍𝒊𝒌𝒐 𝒌𝒂𝒈 𝑲𝒂𝒍𝒊𝒏𝒈𝒂𝒘𝒂𝒏 𝒔𝒂 𝑪𝒂𝒑𝒊𝒛, 𝑲5 𝑵𝑬𝑾𝑺 𝑭𝑴!

K5 INTERNATIONAL | MASOBRA 10 KA TAWO PATAY, SA MALAPNAGON NGA PAG-ATAKE SANG RUSSIA SA UKRAINE

By Ma. Rochelle Ebron | June 3, 2026

Naglunsyar sang malapnagon nga air-strikes ang Russia sa Ukrainian capital na Kyiv.

Nagresulta sang pagkawasak sang mga istruktura kag panimalay ang nasambit nga pag-atake.

Ginabanta yara sa 10 ka tawo ang napatay sa wala untat nga pag-atake sang Russia sa nasambit nga lugar kun sa diin masobra 100 ka tawo ang napilasan.

Nahibaluna, naglunsyar ang Russia sang kombinasyon sang drone kag missile sa pag-atake sa Ukraine.

Suno sa Russia, nagasabat lamang ini sa una nga pag-atake sang Ukraine sang nagligad nga semana.

Find the latest news and information here:
‎https://www.facebook.com/groups/5433774736645634/?ref=share_group_link

‎Ini nga balita gindul-ong sa inyo sang THE POWER TRIO!
‎ClinicaDTX500- The superior antioxidant!
‎ClinicaD3BIO - The antiviral specialist!
‎MIGHTYCEE -The immunity booster!

‎Available sa Clinica De Alternativo Medicina and Wellness Center, Mckinley Street, Roxas City kag sa mga nagapanguna nga botika sa inyo nga lugar.

‎For More Inquiries, Call Us At: 0966-901-9208

‎𝑷𝒂𝒓𝒂 𝒔𝒂 𝑲𝒂𝒎𝒑𝒆𝒐𝒏 𝒏𝒈𝒂 𝑩𝒂𝒍𝒊𝒕𝒂, 𝑺𝒆𝒓𝒃𝒊𝒔𝒚𝒐 𝑷𝒖𝒃𝒍𝒊𝒌𝒐 𝒌𝒂𝒈 𝑲𝒂𝒍𝒊𝒏𝒈𝒂𝒘𝒂𝒏 𝒔𝒂 𝑪𝒂𝒑𝒊𝒛, 𝑲5 𝑵𝑬𝑾𝑺 𝑭𝑴!