San Isidro Labrador Parish - Partida

Sa 𝐢𝐤𝐚-𝟔𝟒 𝐧𝐚 𝐭𝐚𝐨𝐧𝐠 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐒𝐚𝐧 𝐈𝐬𝐢𝐝𝐫𝐨 𝐋𝐚𝐛𝐫𝐚𝐝𝐨𝐫, buong galak at pananampalatayang nagkakaisa ang ating pamayanan sa pagbabalik-tanaw sa makulay na kasaysayan ng debosyon, pagkakaisa, at pasasalamat sa mga biyayang ipinagkakaloob ng Poong Maykapal. Sa loob ng animnapu’t apat na taon, naging simbolo si San Isidro ng kasipagan, kababaang-loob, at matatag na pananampalataya para sa bawat pamilya at mamamayan.

Sa bawat ani, panalangin, at tagumpay ng ating komunidad, patuloy nating pinapahalagahan ang aral ng paglilingkod at pagtitiwala sa Diyos na iniwan ng ating mahal na patron. Nawa’y manatiling buhay sa puso ng bawat isa ang diwa ng pananampalataya at bayanihan habang sama-sama nating ipinagdiriwang ang makasaysayang okasyong ito.

Mabuhay ang ika-64 na Dakilang Kapistahan ni San Isidro Labrador! Isang mapagpala at masaganang pagdiriwang sa ating lahat!

#𝑭𝑰𝑬𝑺𝑻𝑨2026