Al-Hikmah Learning Center INC.

2nd week of class distribution of notebooks and pencil/ballpen to the KD-3 learners of Al-Hikmah Learning Center INC.

sa Sponsor

Just Pm

2nd week morning class Hafla

KENA BENAL I MAKASULGA SO BABAY AMAIKA SUGUNIN SI KALUMA NIN SA KAPANDUAYA❗❗❗

👉 Pangilay kaden sa ukit a kapanduaya nengka.
-Dika den gumamit i bitiala i amaika sugon no babay si kaluma nin sa kapanduaya na makasulga so babay.
- So kadtalo nengka sa makasulga na nasisita na makapagemaw ka sa Daleel. Endaw i Daleel nengka lon?❗

👉 Dala natalanged a Daleel “specific” pon sa Qur’an atawka sa Hadith a matalima no babay a balas amaika mangaluma sa ika-dua si kaluma nin a mama, maito bon a dala Daleel a makasulga so babay sabap sa kasugo nin sa kapanduaya.
Ugaid, yabo taman na so kadsabar endo so kapalitiaya sa kano kaluma na isa a sabapan a kaludep o taw sa sulga (Jannah). Magidsan i makanduaya atawka dili.

👉 Ya kadtalo no Nabi Muhammad:
"Pabila ka itindeg o babay so lima a wakto, ebpuasa sa kano Ramadhan, tiyakapanin so ginawa nin endo so malatabatin "sangulanin" endo PALITIAYANIN SI KALUMA NIN (asal a kena siya kano supak kano agama) na ya edtalo salkanin (no mga malaikat):
"LUDEP KADEN SA ENDAW SAN A PINTUAN A SULGA I KALILINIAN NENGKA" Sahih Aljamie.

☆☆ NIYA SO MGA BALAS A MAPAKAY A MAKUA NIN AMAIKA TALIMANIN SO KINAGKALUMA NI KALUMA NIN:

🔷️ - AMAIKA TUMIGKEL KANO BATALWAN

Ya kadtalo no Allah: “Sabensabeal! Silan a mga matigkel na makatalima sa balas sa dili den pegkuwentan" Azzumar: 10

🔷️ - SO KATIGKEL ENDO KADSABAR NA SABAPAN A KAPUNAS SA KABALADUSAN

Ya kadtalo no Nabi Muhammad:
"Matatap so batalo kano isa Muslim a mama endo babay sa batalon skanin pon kano ginawa nin, kano mga wata nin endo so mga kakawasanin taman sa mambalatemua (makapagilaya0 nin so Kadnanin (Allah) sa naampon so langon o dusa nin" Sahih Aljamie.

🔷️ -SO KATIGKEL SA LIPUNGET ENDO KABENSI

Ya kadtalo no Allah: “So silan a mga bedtigkel sa lipunget endo mategel mampon sa mga taw, sabensabenal na so Allah na kaliniyanin so mga taw a penggalbek sa mapia" Al-Imran:134

🔷️ Ped sa kalbihan o babay a mabagel i palitiaya na malmo makatalima endo maampunin si kaluma nin taman sa talimanin i ngin i ukulan salkanin labi den o makanduaya

-Sabap sa kinasugot nengka sa kinapanduaya ni kaluma nengka na maparihala ni kaluma nengka so sangulanin sa kanggalbek sa mawag.

-Tademi ka i so kanduaya no mama a pakagaga kano kundisyonin na inisugot into na kitab!

- Makalido sa ginawa pon kano ped sa mga babay i pabila edzina si kaluma nin (haram) na malmo nin pan matalima temon sa napandua si kaluma nin inunta na halal bon!!

-Tademan tano i dunya niya na pedsagadan tano bo, ya tidto a kahanda na so kauyag-uyga sa gay a mauli a dala kadtamanin!

KINANDUTAN SA BTIALA:

حديث: "إذا صلت المرأة خمسها و صامت شهرها و حصنت فرجها و أطاعت زوجها قيل لها : ادخلي الجنة من أي أبواب الجنة شئت " وصححه الألباني في صحيح الجامع برقم 66
قال الله تعالى: "إنما يوفى الصابرون أجرهم بغير حساب" الزمر /10.
حديث: "ما يزال البلاء بالمؤمن والمؤمنة في نفسه وولده وماله حتى يلقى الله و ما عليه خطيئة " وصححه الألباني في صحيح الجامع برقم 5815
قال الله تعالى: "والكاظمين الغيظ والعافين عن الناس والله يحب المحسنين'آل عمران /134 .

✍ Ameen (Zulameen Sarento Puti)

ASALAMO ALAYKOM WARAHMATULLAHI WABARAKATUHU SA LAHAT NG MGA KAPATED KO SA AGAMA ISLAM ☪️ 💖

LIMA TIMAN A AYAT.
( Para sa Babay a Di Babaya Pegkagingay)
Ya Kadtalo ni IMAM HASAN AL-BASRI Rahimahullah : Entain I taw a tatapen nin mamatia so lima timan a ayatan, sa siya nin tabon sa timpo a masenget endo malimuseng, na palingkeson sekanin no allaho taala sabap kano limo nin endo sabap kano kalabihan nin a ibagenggay nin !!!
(TUDTULAN KANO ISA A BABAY A DI PEGKAGINGAY)
aden isa a babay a pembatian nin belayab I so lima timan a ayatan sa uman sekanin mapasad zambayang kano mga wakto sa ula-ula a baguguliang sekanin sa gay nin pembatia kano mga ayatan a lima timan…guna pegkahanda so allaho taala na ulian namaka sawlan na guna pedtulog so babay na midtaginep sekanin sa yanin taginepen na : aden isa mama a pedsabit sa wata, na iniduwal o mama so wata a ipedsabitin siya kano babay sa ya nakaidsa no babay kano mama na : ENTAIN I KIWATA SA NIYABA?!. Ya nakasawal o mama na : WATA NENGKA I NIYABA A YANIN NGALA NA SIYA KANO MGA NGALA NO NABI MUHAMMAD!!! Baloy yabo pedtulikan pelayab o babay so wata banto a iniduawal o mama salkanin sa subla I kapegkapia na ginawa nin,mauli na nakagedam so babay na endaw I kinagedamin sa dabon wata nailay nin, na guna manem belendag baguliang sa subla sa yanin nadtalo na niyaba ka dako den makagedam?!! Guna so matana-tana den na aden nagedamin siya kano tiyan nin a penggagalbek,na guna katawi no kaluma nin intuba na init sekanin o kaluma nin lusa hospital ka inipa-check up nin so babay, na guna mapasad o doctor check up so babay na ya nadtalo no doctor kano mama na : PINAMBARAKAT O ALLAHO TAALA SI KALUMA NENGKA KA MAGINGAY SEKANIN.
Baloy guna pembata no babay so kagingay nin banto na natundugan na tlo kataw pan a mauliya taw sabap kano lat o nanam o allaho taala kano babay endo so limo nin lon sa kinapag ikhlasin kano allaho taala!!!
kagina lido na ginawa na babay endo lo na mata nin a makatuga sa kena kawagib a patugan sa da ged sabapin a masla na idsabek o allaho taala kagina dinin kalinyan a malido I ginawa na babay endo makauliang I babay, nalabit bon sa pila timan a ayatan sa qur'an I kalido na ginawa na babay na di kalinyan no allaho taala sa malido.
ENTAIN I MALINI MAGILMO SALKANO KANO NIYABA NA SIYA NO PANUNTOL A SURAH SO LIMA TIMAN A AYATAN :
(1) Surah AL-BAQARAH sa Ayatan a ika (155 – 157).
(2) Surat GAFIR sa Ayatan a ika ( 44 – 46).
(3) Surah AL-ANBIYA sa Ayatan a ika ( 86 – 87).
(4) Surah ALI-IMRAN sa Ayatan a ika ( 173 – 174).
(5) Surah AL-ANBIYA sa Ayatan a ika ( 83 – 84).
Dita no den isulat I mga ayatan aniya ka malendo ged a pembatian…mga surah nin bo endo aden pedtanudan lon banuntol

Jazaakallahu khayran