Filipino Club - CITC

Ngayong araw, Ika-9 ng Abril 2026, ginugunita ang ika-84 anibersaryo ng 𝗔𝗿𝗮𝘄 𝗻𝗴 𝗞𝗮𝗴𝗶𝘁𝗶𝗻𝗴𝗮𝗻
na may temang 𝙂𝙞𝙩𝙞𝙣𝙜 𝙣𝙜 𝘽𝙖𝙮𝙖𝙣𝙞, 𝙋𝙖𝙢𝙖𝙣𝙖 𝙨𝙖 𝙎𝙖𝙡𝙞𝙣𝙝𝙖𝙡𝙞.

Nawa'y magsilbing paalaala sa bawat isa ang kabayanihan at kagitingang inialay ng mga beterano upang makamit ang kapayapaan at kalayaan ng bansa! Nawa'y ang hirap at pagsusursiging inialay para sa bansa ay patuloy na mamayani sa ating puso at patuloy na ipaglaban ang kalayaang pinaghirapan!

Ipinagdiriwang din ng bansa ang 𝘗𝘩𝘪𝘭𝘪𝘱𝘱𝘪𝘯𝘦 𝘝𝘦𝘵𝘦𝘳𝘢𝘯𝘴 𝘞𝘦𝘦𝘬 bilang pag-alaala sa binigay na serbisyo ng mga beteranong Pilipino para sa bansang sinisinta.

Para sa kasarinlan ng bansa!🇵🇭

-------
Makikita sa larawan ang Dambana ng Kagitingan sa Mount Samat National Shrine sa Pilar, Bataan.

𝔤í𝔱𝔦𝔫𝔤 (pangngalan)
Katapangan at lakas ng loob na ipinakikíta ng isang tao sa harap ng panganib.
(Mula sa kwf.diksiyonaryo.ph)

Isinasagawa tuwing buwan ng 𝗔𝗯𝗿𝗶𝗹 ang 𝙉𝙖𝙩𝙞𝙤𝙣𝙖𝙡 𝙇𝙞𝙩𝙚𝙧𝙖𝙩𝙪𝙧𝙚 𝙈𝙤𝙣𝙩𝙝 𝙤 𝙋𝙖𝙢𝙗𝙖𝙣𝙨𝙖𝙣𝙜 𝘽𝙪𝙬𝙖𝙣 𝙣𝙜 𝙋𝙖𝙣𝙞𝙩𝙞𝙠𝙖𝙣 alinsunod sa 𝐏𝐫𝐨𝐤𝐥𝐚𝐦𝐚𝐬𝐲𝐨𝐧 𝐁𝐥𝐠. 𝟗𝟔𝟖 na nilagdaan noong 2015.

Layunin ng pagdiriwang na ito na higit pang paigtingin ang kamalayan ng mga Pilipino sa kahalagahan ng panitikan bilang salamin ng kultura, kasaysayan, at pagkakakilanlan ng bansa. Sa pamamagitan nito, hinihikayat ang mga mamamayan, lalo na ang mga kabataan—na tangkilikin, pagyamanin, at ipagmalaki ang iba’t ibang anyo ng panitikang Pilipino.

Ang tema ng pagdiriwang ngayong 2026 ay “𝙱𝚎𝚔ë𝚝 𝙿𝚊𝚗𝚒𝚝𝚒𝚔𝚊𝚗: 𝙿𝚊𝚛𝚊 𝚜𝚊 𝙺𝚊𝚝𝚠𝚒𝚛𝚊𝚗 𝚊𝚝 𝙺𝚊𝚕𝚒𝚔𝚊𝚜𝚊𝚗.” Hango ang salitang “𝘣𝘦𝘬ë𝘵” sa mga Agutaynën ng Palawan at nangangahulugang pagkakaisa at pagbibigkis. Ipinapakita ng temang ito ang mahalagang papel ng panitikan sa pagsusulong ng katwiran, katarungan, at pangangalaga sa kalikasan. Sa pamamagitan ng mga akdang pampanitikan, naipapahayag ang mga isyung panlipunan at pangkalikasan, at nahihikayat ang mamamayan na kumilos tungo sa mas makatarungan at sustenableng kinabukasan!