Turumba Shrine

Martes na Pamimintuho kay San Pedro Bautista

O Dakilang San Pedro Bautista, Apostol ng bayan ng Pakil, pakundangan sa buhay mong inialay ay ipamagitan mo sa Poong Maykapal na patuloy naming makamtam ang walang-maliw na pagpapala't kaligtasan. Ikaw na nagdala ng Katolisismo sa aming bayan, matutuhan nawa naming mamuhay ng tapat sa pananampalataya tulad mo, nang ang sinimulan mong ebanghelisasyon dito sa bayan ay patuloy na lumago't mapagtibay. Bagama't hindi namin kasing dalisay ang iyong puso't kaluluwa, O pinagpalang Martir, tulungan mo kaming makamtam ang buhay na walang hanggan. Amen.

Minamahal naming San Pedro Bautista, Tagapagtatag ng Kristiyanong Pamayanan ng Pakil, ipanalangin mo kami!