Clarin Broadcasting Channel

Lalaki Nadakpan sa Buy-Bust Operation sa Clarin, 1.5 Gramo nga Gituohang Shabu Nakumpiska

Via | Eric Ricta 📸: Eric Son Bigboy

CLARIN, Misamis Occidental – Nadakpan sa usa ka buy-bust operation ang usa ka lalaki human makuhaan og gituohang shabu sa Purok 7, Brgy. Lapasan, Clarin, Misamis Occidental, sa may alas 8:40 sa buntag, Pebrero 13, 2026. Ang nadakpan giila nga si Alyas "Melvin" 30 anyos ang panuigon, minyo, usa ka motorcab drayber ug residente sa Purok 8, Brgy. Lapasan, Clarin, Misamis Occidental.

Ang operasyon gipahigayon sa mga kapulisan sa Clarin Municipal Police Station (MPS) ubos sa pagpangulo ni PMAJ Alawi B. Musaharoun isip lead unit, inubanan sa mga personahe gikan sa PDEA 10, PDEU MOCPPO, 2nd PMFC, MARPSTA, ug 2nd MC RMFB 10.

Sa pag body search sa suspetsado , nakuha ang Usa (1) ka rectangular nga heat-sealed plastic sachet nga adunay sulod nga gituohang shabu (buy-bust item) laing Onse (11) pa ka rectangular nga heat-sealed transparent plastic sachet nga adunay sulod nga gituohang shabu (possession) Usa (1) ka 500 nga kwarta (buy-bust money) ug Usa (1) ka transparent nga heat-sealed plastic sachet nga gigamit sa pagbutang sa gituohang shabu.

Ang kinatibuk-ang gibug-aton sa nakumpiskang gituohang ilegal nga droga mokabat og 1.5 ka gramo nga adunay Standard Drug Price (SDP) nga P10,200.00.

Ang suspetsado karon anaa na sa kustodiya sa kapulisan alang sa hustong disposisyon samtang giandam ang pagsaka og kaso batok kaniya tungod sa paglapas sa Republic Act 9165 o ang Comprehensive Dangerous Drugs Act of 2002.