Balakero

Pamalandong sa kagahapon

Ang bulawanong sidlak sa adlaw, among gisaw.an
Sa mga adlaw nga nahanaw na.
Sa among pag gukod gukod
Daplin sa lapyahan.
Gi litok ang pangamuyo niya para sa akoa,
Nga ang kalibutan ko tarunga.
Iyahang mga bukton sa kanunay
Nga anaa ra, kanunay sa mabugnawng kagabhion.

Mga huni nga nadungog gikan sa halayo
Nga milabang sa taytayan sa akong panumduman.
Mga anino sa kagahapon akong agakon.
Aron akong paga saw.on ang mga damgong akong gibiyaan

Ikahimoot kong ikauban siya.
Ilabina kung ang iyang pahiyom ang ma sud-ong.
Gawasnon ang pagbati ko kung kauban siya.
Nibalik ako aron siya akong higugmaon
Kung unsa kadako, ako ray nasayod. Hinaot pa unta nga magkadool sa maka usa pa.
Akong kamingaw anaa lang kaniya.

Hain ka na inday karon,
Kasing kasing kong ulipon sa kagahapon.
Gugmang dili malitok sa mga pulong.
Bawnon nalang kaha hangtud sa kamatayon.

- Bata 10012025