Alpha Kappa Rho Norzagaray Bulacan

Ang kapangyarihan ay hindi dapat hinahangad ng kahit sinuman, lalo na kung ang dahilan ay para lamang sa sariling kagustuhan at pansariling interes. Dahil kapag ang isang tao ay uhaw sa posisyon o kapangyarihan, kadalasan ang nauuna ay ang pagpapakita ng pagiging mataas, pagdidikta, at pagmamando—imbes na ang tunay na layunin ng isang samahan na dapat ay pagkakaisa at paglilingkod.

Ang kapangyarihan ay hindi dapat gawing paraan para magpasikat, para magpabango ng pangalan, o para ipakita na siya ang masusunod. Dahil ang tunay na lider ay hindi naglalakad para sa sarili niyang pangalan, kundi para sa kapakanan ng lahat. Ang tunay na lider ay marunong makinig, marunong umunawa, at marunong magpakumbaba kahit siya pa ang nasa posisyon.

Kapag ang kapangyarihan ay ginamit sa maling paraan, nagiging dahilan ito ng pagkakawatak-watak, pag-aaway, at pagkawala ng tiwala sa loob ng organization. Nawawala ang respeto, nawawala ang tiwala, at masisira ang samahan na matagal na binuo. Hindi uunlad ang grupo kung puro sarili ang iniisip, dahil ang organization ay hindi binubuo ng iisang tao lamang, kundi binubuo ng maraming miyembro na may kanya-kanyang pananaw at damdamin.

Ang kapangyarihan ay dapat ituring na responsibilidad, hindi pribilehiyo. Dapat ito ay ginagamit para magbigay ng gabay, magpalakas ng samahan, at maghatid ng kaayusan. Hindi para manlamang, hindi para mang-apak, at lalong hindi para ipilit ang gusto kahit mali.

Sa huli, ang tunay na matibay na samahan ay nabubuo sa pagkakaisa, respeto, at malasakit. At ang tunay na lider ay hindi naghahangad ng kapangyarihan—kusang ibinibigay ito sa kanya dahil nakikita ng lahat ang kanyang kabutihan, kakayahan, at tunay na layunin para sa kapakanan ng nakararami.

Alphakapparho
🫡 🫡 🫡 🤟 🤟 🤟

BrodRemoj C Nosatac
Brod Abdul Mhalik
Ash Gervacio Santos