Mayor Jojo Rojas

⚠️ SUPER TYPHOON INDAY NAKASULOD NA SA PAR

Mga Maribojocanon, as of 3:00 AM karong Hulyo 8, 2026, nakasulod na sa Philippine Area of Responsibility (PAR) ang Super Typhoon Inday.

Bisan wala pa kini direktang nakaapekto sa atong lungsod, gina-awhag ko ang tanang Maribojocanon nga magpabiling alerto ug andam. Atong siguruhon nga adunay emergency supplies, i-secure ang atong mga panimalay, ug likayan ang pagpakampante.

Padayon nga monitora ang mga opisyal nga weather advisories gikan sa PAGASA ug ang mga anunsyo sa atong LGU aron makabaton sa tukmang ug labing bag-ong impormasyon.

Ang inyong kaluwasan mao ang atong labing prayoridad. Magtinabangay kita ug mag-amping sa usag usa.

Ampo ug amping, Maribojoc!

— Mayor Jonathan Rojas

ANDAM TA.

Nagpahigayon kita og Pre-Disaster Risk Reduction and Management Meeting isip pagpangandam sa posibleng epekto sa umaabot nga Super Typhoon Inday.

Gipahugtan nato ang koordinasyon sa tanang departamento ug mga concerned agencies aron maseguro nga andam ang atong mga responders, kagamitan, ug contingency plans alang sa kaluwasan sa matag Maribojocanon.

Ang pag-andam karon mao ang labing maayong depensa batok sa kalamidad. Magtinabangay kita, magpabiling alerto, ug padayon nga mosunod sa opisyal nga mga advisory.

Ang kaluwasan sa katawhan mao ang atong labing una nga prayoridad.

Ampo ug amping.

—- Mayor Jonathan Rojas

Walay pagsurender. Mao na ang tinuod nga espiritu sa Pilipino. 🇵🇭🎾

Alex Eala, salamat sa pagpakita sa kalibutan nga ang usa ka Pilipino dili dali mapildi. Sa matag kapakyasan, mas lig-on kang mibangon ug mipadayon.

Proud kaayo mi nimo! Padayon sa pagdala og dungog sa atong nasud ug pagdasig sa kabatan-onan nga magdamgo, maningkamot, ug dili mohunong hangtod makab-ot ang ilang pangandoy.

Congratulations, Alex Eala! Padayon lang—ang Pilipinas anaa kanunay sa imong luyo.

- Mayor Jonathan Rojas

𝐌𝐚𝐚𝐲𝐨𝐧𝐠 𝐃𝐨𝐦𝐢𝐧𝐠o! 🙏

Sa pagsugod sa atong adlaw, atong ipahinungod ang atong mga pag-ampo alang sa kaluwasan sa matag pamilya sa Maribojoc ug sa tibuok nasud.

Sumala sa pinakabag-ong forecast, ang posibleng Super Typhoon Inday dili gilauman nga moigo direkta sa atong lugar. Apan, gilauman nga mapalig-on niini ang Habagat, nga mahimong hinungdan sa padayon nga pag-ulan ug kusog nga hangin sa ubang bahin sa Visayas sa umaabot nga semana. Busa, magpabilin kitang alerto ug padayon nga magmonitor sa mga opisyal nga update gikan sa PAGASA.

Amping kanunay, likayi ang dili kinahanglang pagbiyahe kon kusog ang ulan, ug andama ang inyong emergency kits.

San Vincente Ferrer, I-ampo mo kami. 🙏

Happy Sunday and blessed sa tanan!

- Mayor Jonathan Rojas

SubayBAYANI Siete 2026 Field Validation

Nakig-uban kita karong adlawa sa SubayBAYANI Siete 2026 Field Validation nga gipahigayon sa DILG Region VII, isip kabahin sa pag-validate sa atong mga nominadong proyekto alang sa Most Significant Change (MSC) Stories on Infrastructure Projects ug Local Project Monitoring Committee (LPMC) category.

Atol sa kalihokan, gipahigayon ang document review, validation meeting, stakeholder interviews, ug site inspection aron masusi ang kalidad, kaepektibo, ug tinuod nga impact sa mga proyekto nga atong gipatuman alang sa katawhan sa Maribojoc.

Dako ang among pasalamat sa DILG Region VII Validation Team, sa atong Municipal Engineering Office, MPDO, LPMC members, mga project implementers, ug tanang stakeholders nga naghatag sa ilang panahon ug kooperasyon aron malampuson ang maong validation.

Padayon kitang maningkamot sa pagpatuman sa mga proyekto nga transparent, episyente, ug adunay tinuod nga kausaban alang sa atong lungsod.

Padayon ta sa mas mauswagon nga Maribojoc!

— Mayor Jonathan Rojas

SUPER TYPHOON POSIBLING MOSULOD SA PHILIPPINE AREA OF RESPONSIBILITY SUNOD SEMANA

PAG-ANDAM KANUNAY ANG LABING MAAYONG PANALIPOD.

Posible nga mosulod sa Philippine Area of Responsibility (PAR) ang usa ka super typhoon sa sunod semana. Bisan og gibanabana nga dili kini mo landfall, pero tungod sa kadako ug kusog niini, posible gihapon nga makaapekto kini sa atoang panahon pinaagi sa Habagat (Southwest Monsoon).

Busa atong dasigon ang tanang Maribojocanon nga magpabiling alerto ug andam. Siguruha nga limpyo ang mga kanal, bantayi ang official weather updates, ug andama ang mga emergency essentials kung gikinahanglan.

Ang atong kaluwasan nagsugod sa pag-andam. Magtinabangay kita ug mag-amping sa usag usa.

Padayon lang sa pagsunod sa mga opisyal nga advisories gikan sa PAG-ASA ug sa atong lokal nga gobyerno.

– Mayor Jonathan Rojas

DAY 2 SA JOB RECRUITMENT KARON ANAA SA ATONG GYM.

JOB HIRING ALERT! 📢

The Public Employment Service Office (PESO) Maribojoc invites all interested job seekers to the Special Recruitment Activity (SRA) of SG RECRUITMENT INCORPORATED.

📅 July 1-2, 2026 (WEDNESDAY-THURSDAY)
⏰ 8:00 AM – 4:00 PM
📍MARIBOJOC GYM

SGR Group is looking for qualified applicants for various Jobs, including:

✅ ADMIN CLERK- (2) FEMALE
✅ DENTAL NURSE- (6) FEMALE
✅ DENTAL HYGIENIST- (7) FEMALE
✅ REGISTERED NURSE- (9) FEMALE (2) MALE
✅ HOUSEHOLD WORKERS- (100) FEMALE

📌 Interested applicants are encouraged to attend the screening and interview for more inquiries please visit PESO Maribojoc Office or call 09396366344.

— Mayor Jonathan Rojas