UP Manila CAS Student Council

MGA ARTISTA AT SIYENTISTA NG BAYAN, MAKIISA AT TUMINDIG LABAN SA IMPERYALISMO!

Ang agresyon ng US at Israel laban sa Iran, kasama ang henosidyo sa Palestine at panghihimasok sa Lebanon at Venezuela, ay direktang nakaaapekto sa buhay ng mga Pilipino.

Sa Pilipinas, ramdam agad ito sa pagtaas ng presyo ng langis, pagkain, kuryente, at iba pang bilihin. Bilang estudyante, lumalaki ang gastos sa pagpasok at pangangailangan sa paaralan. Kahit wala tayo sa gera, pasan natin ang krisis.

Habang naghihirap ang mamamayan, lalong nagpapakatuta ang administrasyong Marcos sa pagpapalawak ng presensya ng militar ng US sa pamamagitan ng Visiting Forces Agreement, Enhanced Defense Cooperation Agreement, at Mutual Defense Treaty, na naglalagay sa Pilipinas sa gitna ng gera ng mga imperyalistang bansa.

Kaya naman, nararapat nating tutulan ang imperyalismong US. Ibasura ang Oil Deregulation Law na nagbibigay kapangyarihan sa malalaking kumpanya sa presyo ng langis. Ibasura ang VFA, EDCA, at MDT na ginagamit ang Pilipinas bilang base militar ng US.

Mga KASama, makiisa at makilahok sa mga pagkilos laban sa gera, imperyalismo at krisis.

MGA PROGRAMA:

1. April 24: One Taft Black Friday Protest
– 4:30 PM Assembly sa UPM CAS Gate
– 5 PM Local Program sa UPM CAS Gate
– 6 PM One Taft Program sa Kalaw cor. Taft

2. April 28: March for Peace
– 9:30 AM Assembly sa Kalaw
– 9:45 AM March to US Embassy
– 10 AM March from US Embassy to Rajah Sulayman via Mabini
– 11:30 AM – 1:00 PM Broad Program

Makiisa at makibaka para sa hustisya at kapayapaan!