Anyare

“BAKA MAGALING DIN MAG-RUSSIAN”

Naglabas ng reaksyon si dating Comelec at COA Commissioner Atty. Rowena Guanzon kaugnay ng naging viral na earpiece incident ni Pangulong Ferdinand Marcos Jr. sa kanyang pakikipagpulong kay Russian President Vladimir Putin sa Kazan, Russia.

Sa kanyang social media post, pabirong komento ni Guanzon:

“Baka hindi kailangan ng translation ni BBM dahil magaling siya mag Russian, yung alamano language nga ay siya lang ang nakakaintindi.”

Ang pahayag ay tumutukoy sa kumalat na video kung saan makikitang pansamantalang nahirapan si Pangulong Marcos Jr. sa paggamit ng kanyang translation earpiece bago magsimula ang bilateral meeting. Naging usap-usapan ito online, lalo na nang mapansing tila si Putin pa ang nagpaalala sa kanya tungkol sa earpiece.

Samantala, ang salitang “alamano” ay matagal nang ginagamit ng mga kritiko bilang biro o patama sa Pangulo, na nag-ugat sa isang viral campaign clip noong 2022.

Sa kasalukuyan, wala pang inilalabas na pahayag ang Malacañang hinggil sa naging komento ni Guanzon.

“NAWALA ANG GULO NANG MABAWI ANG LIDERATO NG SENADO”

Ito ang naging reaksyon ng political pundit na si Sass Rogando Sasot matapos mapunta sa kampo ni Gatchalian ang liderato ng Senado.

Sa kanyang social media post, sinabi ni Sasot na tila kasabay ng pagbabalik ng kontrol ng mga kaalyado ni Pangulong Ferdinand Marcos Jr. sa Senado ang pagkawala ng umano’y “security threat” sa loob ng kapulungan.

“Nang nakuha na ulit ng BBM Senators ang leadership ng Senate, nawala na bigla ang gulo sa Senado. Therefore, ang gulo ay dahil nawala sa kanila ang leadership ng Senate,” ani Sasot.

Lumabas ang pahayag kasunod ng ilang linggong tensyon sa Senado na kinapapalooban ng leadership dispute, quorum issues, security threats, at magkakahiwalay na pagdinig ng Blue Ribbon Committee.

Matapos ang reorganisasyon ng Senado at pagkakahalal kay Gatchalian bilang Senate President, tila humupa na rin ang sigalot sa loob ng kapulungan—isang pangyayaring binigyang-kahulugan ng publiko, kabilang si Sasot, sa kanyang social media post.