SPARK PLM

𝘼𝙣𝙤 𝙖𝙣𝙜 𝙝𝙖𝙡𝙖𝙜𝙖 𝙣𝙜 𝙋𝙖𝙣𝙙𝙖𝙞𝙜𝙙𝙞𝙜𝙖𝙣𝙜 𝘼𝙧𝙖𝙬 𝙣𝙜 𝙋𝙖𝙜𝙜𝙖𝙬𝙖 𝙥𝙖𝙧𝙖 𝙨𝙖 𝙠𝙖𝙗𝙖𝙩𝙖𝙖𝙣, 𝙢𝙜𝙖 𝙞𝙨𝙠𝙤𝙡𝙖𝙧, 𝙖𝙩 𝙖𝙣𝙖𝙠 𝙣𝙜 𝙢𝙖𝙣𝙜𝙜𝙖𝙜𝙖𝙬𝙖?

Araw-araw pinagnanakawan ang ating mga magulang. Mula sa mga manloloko't mandarambong sa Palasyo't galamay ng gobyerno hanggang sa mga boss sa kumpanya't empresa na nabubuhay sa dugo't pawis ng ating magulang.

Araw-araw nagpapaalipin ang ating mga magulang sa sistemang hindi sila tinatrato bilang tao kundi bilang piyesa lamang sa kanyang kapitalistang produksyon.

Mas lalo pang sinasadlak ang uring manggagawa sa paghihirap buhat ng imperyalistang krisis at inutil na gobyerno.

Sa darating na Mayo Uno, mangangalsada ang hanay ng manggagawa upang igiit na ang tanging sagot sa krisis sa ekonomiya at paggogobyerno ay ang pagpupundar ng lipunang sosyalista - ating gobyerno, ating ekonomiya!

Hamon sa kabataan na makiisa at umanib sa independienteng kilusan ng manggagawa tungo sa ganap sa pagsasakatuparan ng lipunang walang pagsasamantala, kahirapan, at 'di pagkakapantay-pantay.

🖼️perpetual stew scriptorium