SAMASA PUP COC

𝐈𝐒𝐊𝐎𝐋𝐀𝐑 𝐍𝐆 𝐁𝐀𝐘𝐀𝐍: 𝐑𝐈𝐒𝐄 𝐀𝐆𝐀𝐈𝐍𝐒𝐓 𝐕𝐀𝐓 𝐀𝐍𝐃 𝐂𝐎𝐑𝐑𝐔𝐏𝐓𝐈𝐎𝐍!

𝘔𝘦 𝘭𝘢𝘯𝘨 𝘣𝘢 𝘺𝘶𝘯𝘨 𝘧𝘢𝘯𝘵𝘢𝘴𝘺 𝘢𝘯𝘨 𝘪𝘮𝘮𝘦𝘥𝘪𝘢𝘵𝘦 𝘳𝘦 𝘪𝘴 𝘭𝘪𝘦𝘧??

Ngayong buwan ng Marso, patuloy nating ipinaglalaban ang karapatan ng kababaihan sa iba’t ibang aspeto—panlipunan man o pang-ekonomiya.

Ipinapanawagan natin ang pagbabasura ng Value Added Tax (VAT) upang tunay na maranasan ng masa ang agarang ginhawa. Ang VAT ay pabigat sa araw-araw na gastusin—lalo na sa mga nanay at pamilyang hirap pagkasyahin ang limitadong kita.

Sa kabilang banda, patuloy at laganap ang korapsyon at ang pagbibigay ng sobra-sobrang pondo sa militarisasyon, kabilang ang mga pribilehiyong hindi naman napapakinabangan ng karaniwang mamamayan. Habang tayo bilang mga estudyante ay nagbabayad ng buwis sa bawat bilihin at serbisyo, hindi natin lubos na nararamdaman ang makabuluhang balik nito sa edukasyon at iba pang serbisyong panlipunan.

Bilang mga Iskolar ng Bayan, tungkulin nating manindigan para sa kababaihan at sa masang Pilipino.

📢 Tayo na, bumoses at umindak para sa masa at kababaihan!

Sumama sa pagkilos:
𝗠𝗔𝗥𝗖𝗛 𝟱, 𝗢𝗡𝗘 𝗕𝗜𝗟𝗟𝗜𝗢𝗡 𝗥𝗜𝗦𝗜𝗡𝗚: 𝗥𝗜𝗦𝗘 𝗔𝗚𝗔𝗜𝗡𝗦𝗧 𝗩𝗔𝗧 𝗔𝗡𝗗 𝗖𝗢𝗥𝗥𝗨𝗣𝗧𝗜𝗢𝗡!

📌10:30am - Assembly @ PUP Lagoon
📌11am - Start of Program
📌11:30am - March to PUP Gate
📌12nn - End of Program

Sumama sa Coordinating GC Link:
https://m.me/j/AbZUhOvZNi_RnpOO/

MGA KABATAANG ALAGAD NG MIDYA, WALKOUT NA! ✊

Sa darating na Pebrero 25, gugunitain muli ang ika-40 na anibersaryo ng Edsa People Power Uprising kung saan makasaysayang nagpatalsik ang sambayanang Pilipino ng isang pasista, mamamatay tao, at diktador sa pagkatao ni Ferdinand Marcos Sr. na nilahukan ng mga kabataan at mga Iskolar ng Bayan mula sa Politeknikong Unibersidad ng Pilipinas.

Hamon sa mga kabataan na isabuhay ang diwa ng Edsa People Power Uprising na kung kinayang magpatalsik ng mga kabataan noon ng isang diktador, kakayanin din ng mga kabataan ngayon na patalsikin at panagutin ang mga katulad ni Marcos Jr. at Sara Duterte kung mapagpasya silang liliban sa klase upang bumuo ng kasaysayan!

Mga kabataang alagad ng midya, patuloy na lumikha ng kasaysayan! Lumabas sa apat na sulok ng klasrum at makipag-aralan kasama ang malawak na hanay ng sambayanan!

COC Community, Walkout Na!

KONDUKTA EDSA@40

08:00 AM - COC Decentralized Protest
09:00 AM - Local Protest at PUP Main
12:00 PM - EDSA Shrine Ortigas

Sumali sa COC Coordinating Group Chat:
https://m.me/j/AbZxJEiY6oKOqULS/

MULING BABAHA SA LUNETA! ✊

Ilang buwan na ang dumaan ngunit hanggang ngayon ay hindi pa rin napapanagot ang lahat ng sangkot sa ginawang pagnanakaw ng administrasyong US-Marcos-Duterte kasama ang mga kroni niya sa gobyerno. Hanggang ngayon ay malaya pa rin ang mga politikong gahaman na kumamal ng pondo ng taumbayan.

Sa loob ng ilang taong paghihirap ng mga Iskolar ng Bayan sa loob ng pamantasan dahil sa kulang-kulang na pondo sa sektor ng edukasyon ay malalaman na lamang nila na ang pondong sana ay sasapat sa pangangailangan nila ay binubulsa na pala ng gobyerno. Ano na lamang ang kinabukasan na kakaharapin ng mga Kabataan sa kamay ng mapaniil at magnanakaw na gobyerno.

Hinding-hindi na papalampasin ng mga Kabataan higit lalo ng mga Kabataang Alagad ng Midya ang pagsasawalang bahala sa kasong pagnanakaw ng gobyerno. Hindi hahayaan ng mga ito na hindi managot ang lahat ng sangkot at mapatalsik ang lahat ng mga nakaupong walang ibang nais gawin kundi ang unahin ang mga pansariling interes nito.

Bukas, muli nating babahain ang Luneta at muling magkakaisa upang litisin sa lansangan ang mga korap. Muli nating ibabalik ang kapangyarihan sa kamay ng taumbayan. Sumama sa isasagawang malakihang pagkilos sa Kalaw Avenue hanggang sa Luneta. Ipakita ang lakas ng laksa-laksang kabataang lumalaban.

KONDUKTA:
7:00 AM - Kalaw Ave
9:00 AM - Luneta Park

Dumalo at magpadalo.