OBR-Ailyn

Ang dami ko na palang hindi na nakakausap.

Habang tumatanda pala tayo, pabawas nang pabawas ang mga malalapit sa ating tao. 'Yong kasabay kong umuwi noong elementarya, hindi na nangungumusta. 'Yong paborito kong kaibigan noong hayskul, wala na kaming balita sa isa’t isa. 'Yong kasangga ko sa kolehiyo, mas prayoridad na ang trabaho.

Sa sobrang abala natin sa mundo, may mga koneksyon na hindi na natin napanindigan, may mga relasyon na nalimitahan. At nauunawaan ko ito dahil may mga bayarin na kaakibat ng pagtanda natin.

At kahit ang dami ko nang hindi nakakausap sa inyo, palihim ko pa ring pinapanalangin na sana, pare-pareho tayong manalo sa buhay. Mas umangat nawa tayo sa kasalukuyan nating estado.

Written by: Regina Amit - Kapirasong Sulat