PTC RISE Program

PTC RISE Program facilitates MOD Board Game Session for Project Kahandaan

Isang masaya at makabuluhang RISE Master of Disaster (MOD) Board Game session ang naisagawa ng PTC RISE Program team, bilang bahagi ng Project Kahandaan ng Sangguniang Kabataan (SK) P.F. Espiritu 1 nitong November 23, 2025 (Sunday) sa Bacoor City.

Sa pangunguna ni Lead Program Officer Josh McCarver kasama si Project Associate Crystal Lopez, higit sa 50 kabataan ang dumalo sa programa, kung saan natutunan nila hindi lang makapaglaro ng MOD Board Game, kundi maging ang tamang paghahanda at pag-respond sa hazards o mga panganib, na maaaring maging sakuna o disaster.

Ang RISE MOD Board Game Session na ito ay bahagi ng Project Kahandaan ng SK P.F. Espiritu 1, Bacoor City, kung saan tinuruan ang mga kabataan ng self-defense at disaster preparedness, upang masiguro ang kanilang kaligtasan at kapakanan. Nagbahagi ang SK Officials ng First Aid Kits sa mga kalahok, at ang PTC RISE Program naman ay nag-donate ng MOD Board Game set para mas mahasa pa ang mga SK Officials sa MOD Board Game at kanilang maibahagi ang kanilang kaalaman sa Disaster Preparedness sa mga kabataang barangay.

Lubos na pasasalamat sa City Government of Bacoor sa pamumuno ni Mayor Strike Revilla, kasama si Local Youth Development Office (LYDO) Officer-In-Charge Angie Cariaso, at ang SK P.F. Espiritu 1 sa pamumuno ni SK Chairperson Jelan Paraiso at mga SK Officials, sa kanilang gabay at suporta para sa programang ito.

We are one with Bacoor City in continuously and sustainably capacitating Bacooreño youth on Disaster Risk Reduction, as we move together in building resilient communities, resilient lives.