The Equalizer - Mabalacat City College

𝗜𝗞𝗔-𝟭𝟲𝟱 𝗔𝗡𝗜𝗕𝗘𝗥𝗦𝗔𝗥𝗬𝗢 𝗡𝗚 𝗞𝗔𝗣𝗔𝗡𝗚𝗔𝗡𝗔𝗞𝗔𝗡 𝗡𝗜 𝗥𝗜𝗭𝗔𝗟

Ngayong ika-19 ng Hunyo, ating ginugunita ang ika-165 anibersaryo ng kapanganakan ng ating pambansang bayani, si Jose Rizal. Nagbigay ng malaking karangalan sa bansa bilang isang tanyag na manunulat kung saan isinulat niya ang "Noli me Tangere" at El Filibusterismo" na nagmulat sa mga Pilipino sa paniniil ng mga Kastila.

Sa pagdiriwang ng kanyang kaarawan, marahil ay wala nang higit na makapagpapasaya kay Rizal kundi ang pagsasabuhay ng kanyang mga adhikain: isang Pilipinas na malaya sa pang-aapi at panlulupig, mga mamamayang edukado at may paggalang sa isa't isa, at isang bayang nagmamahal sa kanyang sariling kultura at kalayaan.

Pagpupugay sa iyo, Pepe! Patunay ka na hindi lahat ng bayani ay kinakailangang humawak ng espada o baril upang makamit ang pagbabago. Sa pamamagitan ng panulat, kaalaman, at pagmumulat sa sambayanan, naipakita mong maaaring umusbong ang pangarap ng tunay na kasarinlan.

𝘒𝘢𝘭𝘢𝘵𝘢𝘴 𝘯𝘪: 𝘉𝘳𝘪𝘢𝘯 𝘙𝘦𝘯𝘢𝘳𝘥 𝘡𝘢𝘮𝘰𝘳𝘢
𝘗𝘢𝘨𝘭𝘢𝘭𝘢𝘱𝘢𝘵 𝘯𝘪: 𝘊𝘺𝘳𝘶𝘴 𝘙𝘦𝘨𝘢𝘭𝘢

𝗧𝗜𝗚𝗡𝗔𝗡 | 𝗡𝗮𝗸𝗶𝗶𝘀𝗮 𝗮𝗻𝗴 𝗙𝗼𝗹𝘁𝗼 𝗗𝗮𝗻𝘇𝗮𝘁𝗼𝗿𝗲 𝘀𝗮 𝗣𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗞𝗮𝗹𝗮𝘆𝗮𝗮𝗻 𝗡𝗶𝗴𝗵𝘁 𝟮𝟬𝟮𝟲

Nakiisa sa pagdiriwang ng “Kalayaan Night: Independence Day” ang Folto Danzatore ng Mabalacat City College (MCC) matapos itong maimbitahan upang magtanghal noong Hunyo 12, 2026 sa WIDUS Hotel, Clark.

Bilang pakikiisa sa paggunita ng Araw ng Kalayaan, ipinamalas ng grupo ang kanilang husay sa pamamagitan ng isang makulay na pagtatanghal na binubuo ng iba’t ibang tradisyunal na sayaw ng Pilipinas, kabilang ang La Jota Moncadeña, Binasuan, Singkil, at Maskara. Sa bawat galaw at indak, naipakita ng mga mananayaw ang kagandahan at yaman ng kulturang Pilipino.

Ang kanilang pagtatanghal ay hindi lamang nagsilbing aliwan sa mga dumalo kundi naging pagpapakita rin ng pagpapahalaga sa mga tradisyon at pamana ng bansa. Sa pamamagitan ng kanilang talento at dedikasyon, matagumpay nilang naiparating ang diwa ng pagkakaisa, pagmamahal sa bayan, at pagpapahalaga sa kalayaan.

Nagsilbing makulay na bahagi ng pagdiriwang ang pagtatanghal ng Folto Danzatore, na nagbigay-diin sa kahalagahan ng pagpapanatili at pagpapahalaga sa kulturang Pilipino. Ang kanilang paglahok sa pagdiriwang ay nagsilbing pagpupugay sa kalayaan ng bansa at pagkilala sa mayamang pamana ng kulturang Pilipino.

𝘜𝘭𝘢𝘵 𝘯𝘪: Jane Velasco
𝘒𝘶𝘩𝘢 𝘯𝘪: Justin Zabala