The Mentor - BUCE

𝐓𝐔𝐋𝐀 | 𝐏𝐚𝐠𝐥𝐚𝐲𝐚

Ang bakas ng nakaraan—ang hirap at pagdurusa,
Hindi lamang ng bansa, kundi maging ng puso't diwa.
Ang kamay na may bahid ng dugong ipinanata,
Bayang naging saksi sa sakripisyo upang makamit ang laya.

Isinatinig ang daing at ipinaglaban ang karapatan sa Pugad Lawin,
Alumpihit ng isang makata, ang pagkakakulong ay di kayang tanawin.
Sa karimlang likha ng hukom, kung saan hustisya'y malalim na inilibing,
Pillipino ang naghirap, kaya't Pilipino rin ang dapat magsalita at dinggin.

Hindi lamang bansa, kundi pati na ang ating pagkatao,
Reporma, pagkakakilanlan, at pagkakaisa nang totoo.
Sa kulay, sukat, at kasarian, nararapat pa rin na tayo'y malaya.
Hanggang konsensya'y malinis, huwag padadaig sa mapanirang salita.

Kalayaan ng pagtanggap ay kalayaan din ng bayan,
Maging dugo man ay berde o taliwas sa nakasanayan ng karamihan.
Iisa ang lahi, iisa ang pinagmulan, at iisa ang pinaglalaban.
Sapagkat sa pagtatapos ng araw, iisa lamang ang bayang ating kinasadlakan. | 𝘯𝘪 𝘔𝘪𝘤𝘢𝘩 𝘑𝘢𝘯𝘦 𝘉𝘳𝘰𝘯𝘥𝘪𝘢𝘭, 𝘓𝘪𝘵𝘦𝘳𝘢𝘳𝘺 𝘞𝘳𝘪𝘵𝘦𝘳

𝘨𝘳𝘢𝘱𝘩𝘪𝘤𝘴 𝘣𝘺
𝘈𝘯𝘨𝘦𝘭𝘢 𝘈𝘷𝘪𝘴𝘰, 𝘈𝘳𝘵𝘪𝘴𝘵 𝘋𝘦𝘱𝘢𝘳𝘵𝘮𝘦𝘯𝘵 𝘏𝘦𝘢𝘥

𝘭𝘢𝘺𝘰𝘶𝘵 𝘣𝘺
𝘑𝘈 𝘙𝘪𝘤𝘰, 𝘓𝘢𝘺𝘰𝘶𝘵 𝘈𝘳𝘵𝘪𝘴𝘵 𝘋𝘦𝘱𝘢𝘳𝘵𝘮𝘦𝘯𝘵 𝘏𝘦𝘢𝘥