Wang Click Travel

Hindi payapa ang gabi,
Para sa mga may mga alalahanin at iniintindi.
Tahimik ang paligid–
Pero maingay ang guni-guni.

Kalaban na naman ang sarili.
Binabalikan ang mga nagawang desisyon at pagkakamali.
Kahit alam na ito’y hindi na mauulit—
Kusa pa ring bumabalik.

Hindi payapa ang gabi para sa nakararami.
May mga multo.
May mga pagod na parang walang pahinga—
May mga bukas na parang hindi na kaya.

Kakayanin;
Kaya ngayong gabi,
Ang nais lang naman ay makatulog nang mahimbing—
At sana mapawi ang pagod sa paggising.