School Emergency Response Unit-SERU

Noong Hunyo 08,2023 sa ganap na ika-9 ng umaga ginanap ang 2nd Quarter Nationwide Simultaneous Earthquake Drill. Ito ay ay pinangunahan ng ating mga School Emergency Response Unit-SERU members at mga guto tagapagpayo sa Mataas na Paaralan ng Infanta.

Sa pangunguna ng ating mga g**o tagapagpayo Sir Glendell M. Huerto at Sir Jefferson Prudente ay nagkaroon ng Simulation Activity ang ating organisasyon ukol sa First Aid Response na makakatulong sa mga gantong sakuna na maaring mangyari. Mula naman sa ating Bureau of Fire and Protection,sila ay nakiisa sa pag obserba at pagmomonitor sa ginawang drill ng ating paaralan. Dito din nila pinaliwanag ang mga bagay na maaari pa namin pag aralan na makakatulong sa mas maayos at mabilis na pag-akto sa aming aktibidad, sa tulong nilang maiitama natin ang mga bagay na makakabuti sa ating mga susunod pang earthquake drill.

Sa kakulangan natin sa pwersa ng mga Senior Officers dahil sa mga aktibidad sa paaralan, pinakita ng ating mga bagong miyembro mula sa iba't ibang grade level ang kanilang mga natutunan at napag aralan sa oras na kanilang nilaan. Sa pagpapatuloy niyo na pagiging aktibo ay mas mapapatibay ang inyong kalakasan sa isip at katawan na makakatulong sa inyong sarili at pati na rin sa ating paaralan. Lubos kaming nagpapasalamat sa mga bagong miyembro at mga seniors na nakiisa at tumulong sa ating naganap na katibidad.

Hunyo 8,2023| Sa pagsasanib pwersa ng tatlong unit ng ating organisasyon at pangunguna ng ating mga Senior Officers mula sa Junior Fire Marshal JRFM-Unit ay nagkaroon ang ating mga kalalakihan ng pagsasanay ukol sa Basic Transfer.

Sa konting oras na nilaan nila ay naging malakas ang pwersa ng ating mga kalalakihan bilang paghahanda sa earthquake drill. Bilang baguhan na mga miyembro nagpakita na agad sila ng pagiging aktibo at kasanayan sa pagbubuhat. Inaasahan po namin ang patuloy niyong pakikiisa sa mga susunod pang aktibidad.

Sa ilang linggo na pagbibigay oras at effort ng bawat isa mula sa Basic Life Support - BLS Unit na pinangungunahan ni Mr. Julito M. Tiongco kasama ng ating mga Senior Officers mula sa kanilang samahan ay matagumpay nilang natapos ang final training ng Cardiopulmonary Resuscitation.

Bilang pangunguna ng ating g**o tagapayo Sir. Glendell M. Huerto ay pinangunahan nya ang naganap na demo ng ating mga miyembro na sumailalim ng ilang araw na training. Dito naipakita ang kanilang mga natutunan at kagalingan ng bawat miyembro ng BLS-Unit. Sa ilang araw na ito madami kayong natutunan, hindi lamang aral at edukasyon kundi pati na rin ang pagkakaroon niyo ng matatag na samahan na makakatulong sa pagpapalakas ng ating organisasyon. Mula sa akin binabati ko kayo ng congratulations at nawa ay mas maging aktibo pa kayo sa mga susunod pang aktibidad.

Sa pagpasok ng buwan ng hunyo ay kasabay din nito ang pagsisimula ng mga aktibidad mula sa Junior Fire Marshall (JRFM) Unit. Sa kabila ng mga pagsubok na dumating ay muling bumangon at pinalakas ng ating mga Senior Officers ang pwersa ng ating unit.

Bilang pagsalubong sa ating mga bagong miyembro ng ating samahan , sinimulan natin magsagawa ng orientation na pinangunahan ng ating mga School Emergency Responder-SER na naglalaman ng mga impormasyon ukol sa Fire Safety And Prevention Tips na nagmula sa R.A. 9514 (The Fire Code Of The Philippines Of 2008) at Revised Implementing Rules And Regulations (2019). Kasama ng ating mga miyembro mula sa Citizenship Advanced Training - CAT sinimulan na din ituro ang mga basic formation at ang tamang pagpugay sa ating watawat sa harap ng Mataas na Paaralan ng Infanta. Muli kami ay nagpapasalamat sa inyong pakikiisa at patuloy namin na hinihiling ang inyong aktibong pakikilahok sa mga susunod pang aktibidad ng ating samahan.