NHA - Iloilo / Guimaras HAPIP

ctto: Radyo Pilipinas Iloilo

𝗝𝗥𝗠𝗣 𝗜𝗣 𝗛𝗢𝗨𝗦𝗜𝗡𝗚 𝗣𝗥𝗢𝗝𝗘𝗖𝗧 𝗦𝗔 𝗖𝗔𝗟𝗜𝗡𝗢𝗚, 𝗜𝗟𝗢𝗜𝗟𝗢 𝗘-𝗧𝗨𝗥𝗡𝗢𝗩𝗘𝗥 𝗦𝗔 𝟯𝟮 𝗞𝗔 𝗕𝗘𝗡𝗘𝗣𝗜𝗦𝗬𝗔𝗥𝗬𝗢 𝗦𝗔 𝗦𝗨𝗡𝗢𝗗 𝗡𝗚𝗔 𝗠𝗚𝗔 𝗕𝗨𝗟𝗔𝗡

E-turnover sa sunod nga mga bulan ang Jalaur River Multi-Purpose Project (JRMP) Indigenous People Housing Project nga nahamtang sa Sitio Agburi, Barangay Cahigon, Calinog, Iloilo sa 32 ka mga benepisyaryo.

‘As of February 28, 2023’ yara na sa 94.54 % ang accomplishment sa pagpatuman sang housing project.

Suno kay Steve Cordero, spokesperson sang National Irrigation Administration JRMP II nga may mga kulang lang nga pasilidad sa ‘site development’ partikular may isa ka kulang nga balay nga variation order sa contractor, pero kon ma kompleto na ini gilayon nga e-turnover na ang housing units.

Ang IP housing project partnership sang NIA kag National Housing Authority para sa mga apektado nga IP sa pagpatindog sang JRMP II.

Ang pundo nga ginpain sang NHA ara sa PhP18 Million para sa 32 ka balay kag ang counterpart sang NIA amo ang relocation kag site development nga ginabanta nagabalor sang PhP25Million.

Yara sa 450 ka libo tubtub 500 ka libo ka pesos ang balor sang ginpatindog nga kongkreto nga isa ka housing unit. | Bing Pabiona February 28, 2023