LGU Ibajay

𝐁𝐋𝐎𝐎𝐃 𝐒𝐀𝐌𝐀𝐑𝐈𝐓𝐀𝐍 𝐏𝐑𝐎𝐆𝐑𝐀𝐌, 𝐈𝐘𝐀 𝐄𝐎𝐍 𝐒𝐀 𝐀𝐓𝐎𝐍𝐆 𝐁𝐀𝐍𝐖𝐀! ♥️

Malipayon gid ako nga hambaeon kinyo nga makarong adlaw, ginpatigayon ro MOA signing para sa Blood Samaritan Program it Red Cross Philippines - Aklan Chapter. Ginrepresentar nakon ro LGU, kaibahan si SB Rita Magbiray, Committee Chairman on Health, ag si Mr. Stephen Ion Muyo, MHO Medical Technician. Samtang naging kaibahan man naton sanday Former SP Member ag makaron hay PRC-Aklan Chapter Chairman, Mr. Emmanuel Soviet Russia A. Dela Cruz ag Mrs. Mary Joe B. Galeon, Chapter Administration.

Gamit ro pondo it atong banwa, ginpakamayad naton nga taw-an it alokasyon ro harang programa para madali eon kita nga magtao it bulig para sa mga gakinahangean it dugo eabi eon gid sa mga indigent individuals or family.

Ro Blood Samaritan Program hay isaea sa mga programa it PRC nga naga cover it processing fees para sa mga qualified nga beneficiaries.

Ibayjanon, saligan ninyo nga padayon ro atong gobyerno munisipal sa pagtao it minatuod-tuod nga pagpanerbisyo kinyo, eabi eon gid pag-abot sa health services.