Bombo Radyo Gensan

'𝐏𝐍𝐏 𝐂𝐡𝐢𝐞𝐟 𝐍𝐚𝐫𝐭𝐚𝐭𝐞𝐳, 𝐠𝐢𝐝𝐚𝐲𝐞𝐠 𝐚𝐧𝐠 𝐝𝐚𝐥𝐢𝐧𝐠 𝐚𝐤𝐬𝐲𝐨𝐧 𝐬𝐚 𝐤𝐚𝐩𝐮𝐥𝐢𝐬𝐚𝐧 𝐬𝐚 𝐆𝐒𝐂𝐏𝐎 𝐬𝐚 𝐧𝐚𝐭𝐢𝐠𝐚𝐲𝐨𝐧𝐠 𝐬𝐡𝐨𝐨𝐭𝐢𝐧𝐠 𝐢𝐧𝐜𝐢𝐝𝐞𝐧𝐭'

TAN-AWA|| Gidayeg ni PNP Chief Police General Jose Melencio C. Nartatez Jr. ang paspas nga responde sa kapulisan nga misangpot sa pagdakop sa suspek ug pagkarekober sa mga armas.

Kini human madakpan sa kapulisan ang usa ka suspek ug makumpiska ang siyam ka armas atol sa hot pursuit operation human sa insidente sa pagpamusil sa Barangay Labangal, General Santos City niadtong Hulyo 8.

Sumala sa taho, mitubag ang Makar Police Station sa General Santos City Police Office sa usa ka panagbangi sa yuta nga miresulta sa pagpamusil. Pag-abot sa mga pulis sa lugar, ilang hingkaplagan ang usa ka security guard nga patay na tungod sa samad pinusilan.

Matod ni Police Colonel Eric De Venancio, City Director sa General Santos City Police Office (GSCPO), nadakpan ang suspek nga nailhang alias "Mohammad Kidto," 35 anyos ug residente sa General Santos City, atol sa operasyon sa Purok Mudia, Barangay Labangal.

Human sa pagdakop, nakumpiska gikan sa suspek ang siyam ka armas nga naglangkob sa pito ka shotgun ug duha ka semi-automatic shotgun.

Padayon ang follow-up operation sa kapulisan aron madakpan ang ubang gituohang nalambigit sa maong insidente.