DepEd Tayo San Vicente ES - Quezon

🎤 STATE OF THE LEARNERS GOVERNMENT ADDRESS (SOLGA) 2026

Ngayong araw, matagumpay na isinagawa sa San Vicente Elementary School ang State of the Learners Government Address (SOLGA) 2026, sa pangunguna ng ating masipag na SELG President, Maria Ashley T. Rosas.

Sa kanyang ulat, ibinahagi niya ang mga nagawa, programa, proyekto, at mga adhikain ng Supreme Elementary Learner Government para sa kapakanan at ikabubuti ng mga mag-aaral. Naging daan din ito upang maipakita ang kahalagahan ng pamumuno, pananagutan, at aktibong pakikilahok ng bawat mag-aaral sa pagpapaunlad ng paaralan.

Binabati namin ang buong SELG sa kanilang dedikasyon at patuloy na paglilingkod. Nawa'y magsilbi itong inspirasyon upang higit pang mapaigting ang pagkakaisa, pakikipagtulungan, at pagiging responsableng lider ng bawat mag-aaral.

Mabuhay ang mga batang lider ng San Vicente Elementary School!

📸 Tingnan: Brigada Eskwela Kick-Off Ceremony

Isang makabuluhang pagsisimula ang naganap noong Hunyo 2, 2026 sa San Vicente Elementary School!

Buong pusong nagpapasalamat ang paaralan sa lahat ng nakibahagi at tumulong upang ihanda ang ating paaralan para sa darating na pasukan:
✅ Barangay San Vicente Officials, sa pamumuno ng masipag na Kapitan Ricco Perfiñan
✅ Mga mag-aaral mula sa PUP, sa pangunguna ni G. Noel Robledo
✅ Mga tauhan mula sa Bureau of Fire Protection
✅ Mga magulang, mag-aaral, at lahat ng katuwang
✅ Teaching at Non-Teaching Personnel sa pamumuno ng ating Teacher-In-Charge, Bb. Lediza P. Hutalla

Ang diwa ng pagtutulungan ay tunay na namayagpag. Maraming salamat sa inyong oras, lakas, at dedikasyon para sa kinabukasan ng ating mga kabataan! 💙🤝

📚✨ 𝗢𝗣𝗟𝗔𝗡 𝗕𝗔𝗟𝗜𝗞 𝗘𝗦𝗞𝗪𝗘𝗟𝗔 𝟮𝟬𝟮𝟲 ✨📚

Bilang paghahanda sa muling pagbubukas ng klase para sa Taong Panuruan 2026–2027, ang Paaralang Elementarya ng San Vicente ay nakikiisa sa matagumpay na pagpapatupad ng 𝗢𝗽𝗹𝗮𝗻 𝗕𝗮𝗹𝗶𝗸 𝗘𝘀𝗸𝘄𝗲𝗹𝗮 2026 upang masig**o ang maayos, ligtas, at handang pagbabalik-eskwela ng ating mga mag-aaral. 💚💛

IMPORTANT DATES:
📝 Oplan Balik Eskwela - May 4-29, 2026
📅 Brigada Eskwela/Enrolment Period - June 1-5, 2026
🏫 Opening of Classes - June 8, 2026

📍 Para sa inyong mga katanungan, mungkahi, at iba pang concerns, maaari po kayong makipag-ugnayan sa aming Oplan Balik Eswela - Public Assistance Action Center (PAAC) Committee.

Tara na at sama-samang maghanda para sa isang masigla, ligtas, at matagumpay na pagbubukas ng klase! 📖✨

TINGNAN | RECOGNITION DAY sa San Vicente Elementary School

Tema: Pilipinong Nagsipagtapos Handang Mamuno nang May Kakayahan at Mabuting Pagkatao

Noong Marso 30, 2026, ang San Vicente Elementary School ay nagdaos ng kanyang taunang Recognition Day – isang espesyal na okasyon para parangalan ang mga batang mag-aaral na nagpakita ng kahusayan sa akademya at mga ekstrakurikular na gawain. Ang buong paaralan ay puno ng sigla at pagmamalaki, habang ang mga magulang, g**o, at mga miyembro ng komunidad ay nagtipon para batiin ang mga natatanging estudyante.

Ang programa ay nagsimula sa pag-awit sa Lupang Hinirang, na sinundan ng isang maikling dasal na nagpapasalamat sa biyayang natanggap ng mga mag-aaral. Sa pagbukas ng programa, binigyang-diin ng G**ong Tagapamahala na si Bb. Lediza P. Hutalla ang kahalagahan ng pagkilala hindi lamang sa mga tagumpay sa pag-aaral kundi pati na rin sa mga katangiang moral na taglay ng bawat bata – mga katangiang mahalaga para maging isang mabuting Pilipino at hinaharap na pinuno.

Sa pagtatanghal ng mga karangalan, masayang tumayo ang mga batang estudyante habang tinatawag ang kanilang mga pangalan. Ang mga parangal ay kinabibilangan ng With Honors at With High Honors para sa mga nakamit na mataas na marka, pati na rin ang mga espesyal na award. Bawat bata ay may ngiting tagumpay habang tumatanggap ng kanilang medalya at sertipiko, habang ang kanilang mga magulang ay nagkukunan ng litrato para italaga ang mahalagang sandaling ito.

Ang programa ay natapos sa isang pagtitipon kung saan nagbahagi ng masayang pagkain ang mga mag-aaral, magulang, at g**o. Ang lahat ay nagdiwang ng tagumpay ng mga batang Pilipino na patunay na handa silang harapin ang mga hamon ng kinabukasan at mamuno nang may kakayahan at mabuting pagkatao.

DISCLAIMER
Ang naratibo at mga larawan ng Recognition Day ay pag-aari ng Paaralang Elementarya ng San Vicente o ng mga may-ari na nagbigay pahintulot; hindi maaaring kopyahin, ipamahagi, o gamitin para sa komersyo nang walang sulat na pahintulot mula sa paaralan at mga magulang/guardiya ng mga bata, at kung may alalahanin tungkol sa privacy, makipag-ugnayan sa tanggapan ng Punong G**o.