Manila OSCA

Natapos na ngayong araw ang payout ng Social Pension para sa mga benepisyaryo mula Distrito 1 hanggang 6 na nagsimula noong Marso 24, 2026.

Ang Department of Social Welfare and Development (DSWD)-NCR sa pakikipagtulungan sa OSCA-Manila ay magkasamang isinagawa ang mga nasabing payout sa iba’t-ibang lugar sa lungsod.

Ang Social Pension ay binibigay sa bisa ng batas na R.A. 11916 na naglalayong bigyang tulong ang mga seniors na kapos sa buhay, may sakit, walang kumukupkop na pamilya, walang sariling kita at walang natatanggap na pension.

Itinatayang mahigit sa 27,000 senior citizen social pensioners ang nabigyan sa nasabing katatapos na payout.

📢 UPDATE | SOCIAL PENSION PAY-OUT

Maayos na naisagawa ngayong ika-16 ng Abril 2026 ang pagpapatuloy ng Social Pension Pay-Out para sa ating mga minamahal na senior citizens sa Dapitan Sports Complex, District 4.

Sa tulong ng DSWD NCR at Office for Senior Citizens Affairs (OSCA) – Manila, patuloy nating naipaparating ang serbisyong nararapat para sa ating mga nakatatanda.

Maraming salamat sa inyong pakikiisa at kooperasyon sa maayos na proseso ng pamamahagi.

Asahan po ninyo ang patuloy na pagsisikap ng pamahalaan na makapaghatid ng tapat at maayos na serbisyo para sa ating mga senior citizens. 💙