Sulong - UPM

𝙆𝙖𝙥𝙖𝙜 𝙩𝙪𝙢𝙞𝙩𝙞𝙣𝙙𝙞𝙜 𝙖𝙣𝙜 𝙨𝙖𝙢𝙗𝙖𝙮𝙖𝙣𝙖𝙣, 𝙪𝙢𝙪𝙪𝙨𝙖𝙙 𝙖𝙣𝙜 𝙠𝙖𝙨𝙖𝙮𝙨𝙖𝙮𝙖𝙣. 𝙆𝙖𝙥𝙖𝙜 𝙩𝙪𝙡𝙤𝙮-𝙩𝙪𝙡𝙤𝙮 𝙖𝙣𝙜 𝙡𝙖𝙗𝙖𝙣, 𝙣𝙖𝙣𝙜𝙞𝙣𝙜𝙞𝙣𝙞𝙜 𝙖𝙣𝙜 𝙗𝙪𝙡𝙤𝙠 𝙣𝙖 𝙨𝙞𝙨𝙩𝙚𝙢𝙖𝙣𝙜 𝙣𝙖𝙜𝙠𝙖𝙠𝙖𝙞𝙩 𝙨𝙖 𝙖𝙩𝙞𝙣𝙜 𝙠𝙖𝙧𝙖𝙥𝙖𝙩𝙖𝙣.

Hawak ang diwa ng militanteng pagkilos at kolektibong pakikibaka, nananawagan tayo sa bawat estudyante na ipagpatuloy ang pagsagupa sa agos ng kawalang-bahala at kakulangan ng partisipasyon. Hamon sa atin na manatiling mahigpit ang kapit sa ating mga paninindigan at mangahas na makibaka para sa isang edukasyong makabayan, siyentipiko, at makamasa na tunay na naglilingkod sa sambayanan.

Kinikilala ng Sulong UP Manila ang mahalagang papel ng kabataan sa paglaban sa bulok na sistema sa ilalim ng imperyalismo, pyudalismo at burukrata-kapitalismo. Ang ilang ulit at malawakang student walkouts noong nakaraang taon laban sa korapsyon ay patunay na hindi mananahimik ang kabataan sa harap ng patuloy na paglala ng katiwalian at kawalang-panagutan sa gobyerno.

Ang mga pagkilos na ito ay pagpapatuloy ng militanteng diwa mula sa First Quarter Storm laban sa pasismo ni Marcos Sr., sa EDSA I na nagpatalsik sa diktadurang Marcos Sr., hanggang sa EDSA II laban sa katiwalian ng rehimeng Estrada sa Malacañang. Paulit-ulit na pinatutunayan ng kabataan at mamamayan na ang sama-samang pagkilos ang susi sa paghamon at pagwasak sa bulok na sistema.

𝙎𝙖 𝙢𝙜𝙖 𝙜𝙖𝙣𝙞𝙩𝙤𝙣𝙜 𝙠𝙖𝙡𝙖𝙜𝙖𝙮𝙖𝙣, 𝙣𝙖𝙣𝙖𝙣𝙖𝙩𝙞𝙡𝙞𝙣𝙜 𝙢𝙖𝙝𝙖𝙡𝙖𝙜𝙖 𝙖𝙣𝙜 𝙥𝙖𝙣𝙞𝙣𝙞𝙣𝙙𝙞𝙜𝙖𝙣 𝙣𝙜 𝙠𝙖𝙗𝙖𝙩𝙖𝙖𝙣 𝙣𝙖 𝙢𝙖𝙣𝙖𝙩𝙞𝙡𝙞𝙣𝙜 𝙢𝙖𝙩𝙖𝙩𝙖𝙜 𝙨𝙖 𝙝𝙖𝙧𝙖𝙥 𝙣𝙜 𝙢𝙜𝙖 𝙝𝙖𝙢𝙤𝙣, 𝙖𝙩 𝙥𝙖𝙩𝙪𝙡𝙤𝙮 𝙣𝙖 𝙢𝙖𝙣𝙜𝙖𝙝𝙖𝙨 𝙡𝙪𝙢𝙖𝙗𝙖𝙣.

Bilang mga lider-estudyante at bahagi ng ating komunidad, tungkulin nating magmulat, mag-organisa at sama-samang kumilos laban sa mga isyung kinakaharap ng mga estudyante ng UP Manila at ng mas malawak na sambayanan. Sa ganitong paraan lamang maitataguyod ang makatarungang lipunan kaakibat ang tunay na kalayaan at demokrasya, sapagkat nasa kamay natin ang tunay na kapangyarihan upang lumikha ng kasaysayan.

𝗧𝘂𝗻𝗮𝘆, 𝗣𝗮𝗹𝗮𝗯𝗮𝗻, 𝗠𝗮𝗸𝗮𝗯𝗮𝘆𝗮𝗻!

𝗦𝘂𝗹𝗼𝗻𝗴 𝗨𝗣𝗠!