Catechists - Immaculate Conception Parish, Mintal

|| NATIONAL CATECHETICAL SUNDAY ||

Puno sa kalipay ug pagpasalamat ang tanan ngadto sa Ginoo samtang gisaulog ang Dominggo sa mga Katekista dinhi sa Parokya sa Immaculate Conception.

Atol sa Santos nga Misa nga gipangulohan sa atong Kura Paroko, Reberendo Padre Zenon Ampong, gipasidunggan ang atong mga dedikadong katekista niining espesyal nga tuig sa Jubileyo, gipahigayon ang espesyal nga bendisyon ug panalangin ngadto kanila.

Sila ang mga magdadala sa kahayag sa pagtuo, nga walay kakapoy nga nagtanom sa liso sa gugma alang kang Kristo sa kasingkasing sa kabatan-onan ug katigulangan.

Hinaut nga ang grasya sa Ginoo kanunay maglig-on kanila sa ilang bililhong ministriya.

Malipayong pagsaulog sa Nasyonal nga Bulan sa mga Katekista!

Zone 11 - First Communion
@ GKK Birhen sa Fatima, Mahayahay

Pagpasidungog sa matag Cluster sa paghatag ug pahalipay ug sertipiko.

Lingaw ug puno sa katawa ang 'Bring Me' game atol sa Flores de Mayo Culmination! Salamat sa tanang mitambong ug misalmot – inyong kalipay, kalipay usab namo! Daghang salamat kabataan ug sa mga katekista sa ICP!!

Ang Balaang Eyukaristiya isip kulminasyon sa Flores de Mayo niining tuiga usa ka dakong pagpasalamat sa grasya sa pagtuo.

Sa homiliya, gihatagan og importansya ni fr. Johnny ang kamahinungdanon sa katesismo sa GKK ug ang papel sa mga katekista sa pagmatuto sa mga kabataan sa pagtuo nga atong nadawat panahon sa atong bunyag.

Nagpasalamat usab siya sa tanang katekista, ginikanan, kabataan ug uban sa mga GSL nga matinud-anong miserbisyo ug migahid sa ilang panahon sa pagtudlo, pagtabang ug hangtud niining adlawa nakig-unong ug misalmot niining kasaulogan.

Sa katapusan, gipasalamatan usab si fr Johnny sa iyang amahanong pagpangga ug pag-amona sa tanang nahisakop sa parokya ilabina gayud sa hut-ong ministriya sa katekista.