Gawad KomFil

𝟕𝐭𝐡 𝐆𝐀𝐖𝐀𝐃 𝐊𝐎𝐌𝐅𝐈𝐋: “𝐃𝐀𝐋𝐔𝐘𝐎𝐍𝐆” 𝐧𝐢 𝐉𝐮𝐥𝐡𝐢𝐚𝐧 𝐂𝐥𝐲𝐝𝐞 𝐋𝐮𝐜𝐞𝐬 | 𝐅𝐮𝐥𝐥 𝐄𝐩𝐢𝐬𝐨𝐝𝐞

Sa direksyon ni Rhoan Mojica, ating tunghayan ang kuwento ni Nanay Libertad Belmonte, isang residente at tindera mula sa Bacoor, Cavite. Sa bawat pag-ulan, ragasa ng ilog, at pagtaas ng baha, ang mga kagaya niya ang tahimik ngunit pinakamalalim na naaapektuhan—mga pamilyang araw-araw nakikipagbuno sa panganib upang maipagpatuloy ang simpleng pamumuhay. At sa tuwing dumarating ang unos, matatag natin silang nasisilayan sa gitna ng rumaragasang tubig: nag-aangat ng kagamitan, nagtatakip ng tahanan, at pilit na sinasagip ang kabuhayang unti-unting inaanod ng panahon. Panoorin ang kaniyang kuwento sa dokumentaryong ito.

Ang “Daluyong” ang opisyal na dokumentaryong handog ng ikatlong pangkat mula sa BSCE 1-5 ng Cavite State University – Main Campus para sa nalalapit na 7th GAWAD KOMFIL na may temang “Pagsipat sa Katotohanan, Pagtindig para sa Bayan”.

Disclaimer: Ang bawat tauhan sa nasabing dokumentaryo ay may buong pahintulot na mailahad ang kanilang karanasan at istorya. Mangyaring iwasan ang pagkuha ng larawan o screenshot na kasama ang mga mukha o larawan ng mga tauhan sa dokumentaryo para sa ibang layunin nang walang pahintulot ng kinauukulan.