Team Dorado

Kinasing-kasing ako nga nagpapasalamat sa tanan nga sumuporta sa akon, sa tanan nga nagtapod ngan umupod sa hingyap nga SERBISYO ngan SAKRIPISYO para sa PAGBABAG-O, bisan pa man wara pagpalara kami ni Engr. Dorado.

Sa politika, diri gud mahihimo nga waray mapirdi. Para sa amon nga nagkakandidato, normal nga mayaon gud mapipirdi ngan mayaon magana. Pero sa kaurhian, an katawhan dapat permamente daugan!

Diri didi nagtatapos an amon SERBISYO ngan SAKRIPISYO para sa PAGBABAG-O. Padayon ngan magpapabilin ako nga magiging boses san mga kabataan ngan maghihimo sin kaupayan pinaagi san akon kusog bilang Catarmananon. Ako si TINTIN CARPIO, an numero #1 nga nahigugma sa iyo...

Til the next, hasta la vista!💙❤️

SA PAGTATAPOS SAN PANAHON SAN KAMPANYA, NAGPAPASALAMAT KAMI, AN TEAM DORADO, SA IYO INHATAG NGA SUPORTA PARA SA AMON PARTIDO...

Dako an amon kalipay sa iyo pagduyog sa amon tikang pa san nagdeklarar kami nga magdalagan sa posisyon. Waray kami umabat nga nagluya an suporta niyo para sa amon. Kamo an amon naging inspirasyon ngan kusog para padayon nga magtumuyo nga MAGSERBISYO ngan MAGSAKRIPISYO para sa PAGBABAG-O.

Apisar nga mga baguhan nga kahimo sa ngaran nga politika, ginlingi niyo kami tungod kay nagtapo an aton katuyuanan nga mapakaupay an aton bungto. Laumi niyo nga diri kailanman makakawang an iyo ihahatag nga suporta para sa amon. Lugod an amon lus-ay ngan tangkod nga serbisyo amon ihahatag para sa tanan nga Catarmananon.

Ngan yana pala, amon na iginpapasalamat an iyo igtutubyan nga botos para sa partido nga may klarado nga plano agud mapakaupay an bungto san Catarman, waray lain kundi an TEAM DORADO!

PAGBABAG-O. MAUPAY NGAN MALIMPYO NGA PAMAMALAKAD SA GOBYERNO. PROGRESO. An hingyap namon para sa iyo...

Sayo nala ka adlaw antis an piniliay, dako an akon pagtapod sa katawhan ngan an amon mga ladawan, naiukit na sa iyo kasing-kasing nga bisan pa man nano... Diri na malilimtan, diri na gud mababag-o!

Kapit lang mga igkasi-Catarmananon, magpabilin kita nga SOLID ngan utro, dako nga salamat sa iyo ngatanan sa iyo mapaso nga suporta para sa DORADO-CARPIO Tandem ngan sa kabug-usan san TEAM DORADO!

All the best for Catarman! To God be the Glory!