Daily Words of God

DAILY GOSPEL – APRIL 11, 2024 (THURSDAY)

SIYA NGA GIKAN SA LANGIT - JUAN (Jn. 3:31-36)

Si Jesus miingon kang Nicodemo, “Siya nga gikan sa itaas labaw sa tanan; siya nga gikan sa yuta, yutan-on, ug magsulti siya mahitungod sa mga butang yutan-on. Siya nga gikan sa langit labaw sa tanan. (Jn. 3:31)

Nagmatuod siya sa iyang nakita ug nadungog, apan walay mituo sa iyang gisulti. (Jn. 3:32)

Ang motuo sa iyang mensahe nagmatuod nga matinud-anon ang Dios. (Jn. 3:33)

Kay ang sinugo sa Dios nagsulti sa mga Pulong sa Dios, ug sa walay sukod ang Dios naghatag kaniya sa iyang Espiritu. (Jn. 3:34)

Ang Amahan nahigugma sa iyang Anak ug gitugyan sa Amahan ang tanan ngadto kaniya. (Jn. 3:35)

Ang motuo sa anak may kinabuhing dayon, apan ang dili motuo sa Anak dili makabaton sa kinabuhing dayon; hinunoa, kaligutgotan siya sa Dios hangtud sa kahangturan. (Jn. 3:36)

REFLECTIONS - JUAN (Jn. 3:31-36)

… Siya nga gikan sa itaas … (b. 30). Nagkanayon ang bantogang propeta. Si Jesus lang ang gikan sa kahitas-an, ug ang bugtong makatagbaw sa kasingkasing sa tawo. Diha niya naa ang tanang maayo, kay naa niya ang tanan.

…kaligutgotan siya… (b. 36). Kadtong dili motoo ug moila sa Anak sa Diyos magpabiling sinalikway sa Diyos, sama sa kahimtang sa unang mga tawo nga gisalikway sa mga Pariseo. Dili nila masulbad ang mga konplikto sa kinabuhi o sa kalibotan nga ilang gipuy-an; ug wala silay pagsalig sa Diyos. Natago kanila ang maluluy-ong nawong sa Diyos nga makahatag og kalinaw.

==================================================

INSPIRING VERSES – APRIL 11, 2024 (THURSDAY)

GILUTOS ANG MGA APOSTOLES- MGA BUHAT (Acts 5:27-33)

Unya gidala nila ang mga apostoles ngadto sa Labaw’ng Hukmanan, ug gisukit-sukit sila sa Pangulong Pari. (Acts 5:27)

Miingon siya, “Dili ba gidid-an man kamo namo pagpanudlo sa ngalan niining tawhana? Apan tan-awa kining inyong gibuhat! Gisangyaw ninyo ang inyong pagtulon-an sa tibuok Jerusalem, ug buot ninyo ipaila nga kami ang nakaingon sa iyang kamatayon!” (Acts 5:28)

Si Pedro ug ang ubang mga apostoles mitubag, “Kinahanglan sundon namo ang Dios, ug dili ang mga tawo. (Acts 5:29)

Ang Dios sa atong mga katigulangan nagbanhaw kang Jesus human ninyo siya patya pinaagi sa paglansang kaniya sa krus (Acts 5:30)

Ug gibayaw siya sa Dios ngadto sa iyang tuo, ingon nga Pangulo ug Manluluwas, aron paghatag sa katawhan sa Israel og higayon sa paghinulsol ug sa ingon mapasaylo ang ilang mga sala(Acts 5:31)

Saksi kami niining mga butanga ingon man ang Espiritu Santo nga mao ang gasa sa Dios niadtong nagmasinugtanon kaniya.” (Acts 5:32)

Sa pagkadungog niini sa mga sakop sa Labaw’ng Hukmanan, nasuko sila pag-ayo ug buot nilang ipapatay ang mga apostoles. (Acts 5:33)

REFLECTIONS - MGA BUHAT (Acts 5:27-33)

Sa pagka tinuod, diha nga ang mga pari mihukom ni Pedro ug Juan, buot nila nga magpalayo ni sila ni Jesus nga gipatay sumala sa balaod. Alang nila ang pagwaling kristohanon ingon ka-politikanhon kaniadto ug sa Simbahan karong panahona alang sa daghang katawhan, inighisgot nag hustisya.

Sa atong pagsangyaw ni Jesus nagkahulogan ni sa unibersal nga pasig-uli (Ef 2:14) nga makab-ot sa tanang hut-ong sa kinabuhing tawhanon lakip ang ekonomikanhon ug politikanhon. Ang simbahan dili makasunod ni Cristo ni makasangyaw ni Jesus isip bugtong manluluwas (5:31), kon magdumili ni sa pagpakabana sa tanang kanasoran nga gihukman sa hinayhinayng kamatayon pinaagi sa kakulang sa pagkaon, edukasyon, ug sa maayong panlawas. Kining delikadong pagpakabana hinuon, dili mahimong kristiyanong wali kon dili makakombensir nato sa pagtoo sa mabungahong laraw sa Diyos.

*33 Gamaliel (b.34). Gihisgotan siya sa 5:34, usa sa labing inila nga magtutudlo sa balaod. Ang mga sumusunod niyang Judio mao ang labing nabalaka bahin sa kamatinud-anon sa pagtoo ug sa relihiyon sa kasingkasing. Magtutudlo siya ni Pablo (tan-awa ang Buhat 22:3).