Bombo Radyo CDO

BOMBO REPORTS AFTERNOON EDITION | 5:00-6:00PM

BOMBO NEWS AND VIEWS AFTERNOON EDITION | 4:30PM-5:00PM

KAGAHAPON LAMANG | 2:00PM-3:00PM

Kasaysayan ang namugna sa nasud human nakuha ni Oliver Eugen Kretz ang titulong Man of the World 2026 sa coronation night nga gipahigayon sa Palacio de Maynila niadtong Hunyo 6. Ang 25 anyos nga Filipino-German gikan sa Palawan mao ang labing unang Pinoy nga nakab-ot niini nga korona sukad nagsugod ang prestihiyosong pageant walo ka tuig na ang milabay. Gawas sa maong dako nga kadaugan, nakuha pud ni Kretz ang mga special awards sama sa Best in Swimwear ug Media’s Choice human niya gipildi ang 27 ka mga kandidato gikan sa lain-laing nasud. Sa iyang pagdaog, gisaad sa maong beauty king nga gamiton niya ang iyang plataporma aron tabangan ang mga kabataang nanginahanglan ug kadtong mga walay panimalay

Gikatakda na ang pormal nga pag-abli sa FIFA World Cup 2026 karong Hunyo 11, nga dungan nga dumalaon sa tibuok Amerika, Canada, ug Mexico. Ning tuiga, mas gipalapdan ang kompetisyon ngadto sa 48 ka mga nasod butang nga gilaumang maghatag og mas grabeng tensyon ug kulba sa matag dula.Sugdan ang maong engkwentro pinaagi sa panagsangka sa host nga Mexico didto sa makasaysayanong Estadio Azteca. Isip bahin sa hugot nga pagpangandam, gipatuman sa FIFA ang mas istriktong mga lagda aron masiguro ang disiplina sa mga magdudula ug ang integridad sa torneyo. Kini nga sporting event gilaumang mokuha sa atensyon sa tibuok kalibutan isip pinakadako nga sports event sa kasaysayan.