MakataLinyaGa

TUNGGALIAN

ang tawag dito'y palakasan
dalawang koponan ang naglalaban
pwedeng grupo, dalawa o isahan
para sa tagisan ng kaalaman

oras, araw o taon ang nilaan
dugo pawis at pakikipagsapalaran
sa paghahanda para sa laban
at tagumpay tanging inaasam

puso't isip kinokondisyon
pati katawan at emosyon
lahat gagawin ng mahinahon
para sa minimithing posisyon

sa larangan ng palakasan
taglay ang dangal at karangalan