San Rafael Archangel Chapel

𝐓𝐈𝐍𝐆𝐍𝐀𝐍 │ 𝐌𝐀𝐘𝐔𝐇𝐀𝐍 𝟐𝟎𝟐𝟔

Matapos ang matagumpay na Sagala, patuloy ang Mayuhan sa Brgy. Buhangin sa pamamagitan ng pag-aalay ng bulaklak at panalangin para sa Mahal na Birheng Maria.

Maraming salamat po sa pakikiisa ng mga magulang, sa aktibong pakikilahok ng mga bata, at sa lahat ng naging bahagi ng pagdiriwang na ito. Ang inyong suporta at debosyon ang patuloy na nagbibigay-buhay sa ating tradisyon ng Mayuhan taon-taon.

Nawa’y manatili ang pagkakaisa, pananampalataya, at pagmamahal sa Mahal na Birheng Maria sa ating komunidad.

𝐓𝐈𝐍𝐆𝐍𝐀𝐍 │ 𝐒𝐀𝐆𝐀𝐋𝐀 𝟐𝟎𝟐𝟔

Matagumpay na naisagawa ang Sagala 2026 ng Brgy. Buhangin bilang bahagi ng patuloy na pagdiriwang ng Flores de Mayo at debosyon sa Mahal na Birheng Maria.

Sa ika-21 taon ng tradisyong ito, muling ipinamalas ng ating komunidad ang pagkakaisa, pananampalataya, at pakikiisa sa pamamagitan ng makulay na prusisyon at taimtim na pagdiriwang.

Maraming salamat po sa lahat ng nakiisa, sumuporta, at naging bahagi ng matagumpay na Sagala 2026 ng Brgy. Buhangin. Nawa’y patuloy nating mapanatili ang tradisyong ito para sa mga susunod pang taon.

𝐏𝐀𝐆-𝐀𝐀𝐋𝐀𝐘 𝐍𝐆 𝐁𝐔𝐋𝐀𝐊𝐋𝐀𝐊 𝐒𝐀 𝐁𝐈𝐑𝐇𝐄𝐍𝐆 𝐌𝐀𝐑𝐈𝐀

Ngayong araw, Mayo 11, 2026, ganap na ika-5 ng hapon ay nagsimula na ang pagrorosaryo at pag-aalay ng bulaklak sa Birheng Maria na pinangunahan ng MSK Buhangin Purok 4.

Isasagawa ito araw-araw ganap na ika-5 ng hapon hanggang Mayo 31, 2026.

Inaanyayahan ang lahat ng mamamayan na makiisa at dumalo sa banal na gawaing ito bilang pagpapakita ng pananampalataya, debosyon, at pagkakaisa ng ating komunidad para sa Mahal na Birheng Maria.

𝐀𝐯𝐞 𝐌𝐚𝐫𝐢𝐚!