Mayen's essentials

Napakadakila ng Diyos! Magandang buhay.

Pagkaing Espirituwal ngayong Biyernes
Setyembre 23, 2022
Pamagat: Alalahanin Siya

Tipunin mo ang mga mamamayan sa Aking presensya para makinig sa Aking salita upang matuto silang gumalang sa Akin habang nabubuhay pa sila. – Deuteronomio 4:10

Basahin: Deuteronomio 4:3–10
Ang Salita ng Dios (Tagalog Contemporary Bible)

3 Nakita ninyo ang ginawa ng Panginoon sa Baal Peor. Pinatay ng Panginoon na inyong Dios ang mga kapwa ninyo Israelita na sumamba kay Baal.
4 Pero kayo na matapat sa Panginoon na inyong Dios ay buhay pa hanggang ngayon.

5 “Itinuturo ko sa inyo ang mga utos at mga tuntunin na ibinigay sa akin ng Panginoon na aking Dios para inyong sundin pagdating ninyo sa lupaing pupuntahan ninyo at titirhan.
6 Sundin ninyo ito nang buong tapat, dahil sa pamamagitan nitoʼy maipapakita ninyo ang inyong kaalaman at pang-unawa sa ibang mga bansa. Kung maririnig nilang lahat ang tuntuning ito, sasabihin nila, ‘Totoo nga na marunong at may pang-unawa ang mga tao ng makapangyarihang bansang ito.’
7 Wala nang iba pang makapangyarihang bansa na may dios na malapit sa kanila gaya ng Panginoon na ating Dios na malapit sa atin sa mga panahong tumatawag tayo sa kanya.
8 At wala nang iba pang makapangyarihang bansa na may mga utos at tuntunin na katulad ng itinuro ko sa inyo ngayon.
9 Pero mag-ingat kayo! Huwag ninyong kalilimutan ang mga bagay na inyong nakita na ginawa ng Panginoon. Kailangang manatili ito sa inyong mga puso habang nabubuhay kayo. Sabihin ninyo ito sa inyong mga anak at mga apo.
10 Alalahanin ninyo ang araw na tumayo kayo sa harap ng Panginoon na inyong Dios sa Bundok ng Sinai, kung saan sinabi niya sa akin, ‘Tipunin mo ang mga mamamayan sa aking presensya para makinig sa aking mga salita upang matuto silang gumalang sa akin habang nabubuhay pa sila, at para maituro nila ito sa kanilang mga anak.’

Ang Salita ng Dios (Tagalog Contemporary Bible)
Copyright © 2009, 2011, 2014, 2015 by Biblica, Inc. ®
Used by permission of Biblica, Inc.® All rights reserved worldwide.

Nang makaranas ng matinding suliranin ang anak ko, ipinaalala ko sa kanya ang kabutihan ng Dios sa pamilya namin nang mawalan ng trabaho ang tatay niya. Ipinaalala ko rin sa kanya kung paanong nagkaloob ang Dios ng kapayapaan sa amin nang magka-kanser at mamatay ang nanay ko. Ipinaalala ko rin sa kanya na tinutupad ng Dios ang mga pangako Niyang nakasaad sa Kanyang mga Salita. Tinulungan ko ang anak ko para maalala niya ang kabutihan ng Panginoon sa pamilya namin sa lahat ng pagkakataon. Sa kasiyahan man o kalungkutan, palaging sapat ang presensya, pag-ibig, at awa ng Dios.

Bagama’t nais kong isipin na paraan ko mismo ang alalahanin ang kabutihan ng Dios, ang Dios ang nagdisenyo sa pagbabahagi ng tungkol sa Kanyang pagkilos para makapagbigay ng inspirasyon sa mga susunod na henerasyon. Patuloy na pinatatatag ng Dios ang pananampalataya ng mga Israelita habang tinuturuan Niya ang mga ito na alalahanin ang Kanyang kabutihan.

Napatunayan ng mga Israelita ang katapatan ng Dios sa mga pangako Niya (Deuteronomio 4:3-6). Laging pinakikinggan at sinasagot ng Dios ang mga panalangin nila (Tal. 7). Ibinahagi nila nang may galak ang kabutihan ng Dios sa mga nakababatang henerasyon (Tal. 9). Ibinahagi rin nila sa mga ito ang Salita ng iisa at buhay na Dios (Tal. 10).

Lalong tumitibay ang pananampalataya at pagkakakilala natin sa Dios habang inaalala natin ang kadakilaan, awa, at wagas Niyang pag-ibig.

- Xochitl Dixon

Makapangyarihang Dios, salamat po dahil tinutulungan N’yo akong alalahanin ang Inyong kabutihan sa lahat ng panahon.

React, Share, and post your reflections.
Follow us on Twitter: twitter.com/odbpilipinas
and on Instagram: instagram.com/ourdailybreadpilipinas
Visit filipino-odb.org
to learn more about Our Daily Bread Ministries and our resources
Copyright © 2022 Our Daily Bread Ministries, All rights reserved.
Disclaimer: Please note that internet browsers and online platforms may have built-in translation features that may inadvertently change the meaning and overall thought of our content.

Hello...still available: