SakaLam

Hindi Ka Binlock Dahil Galit Ako

Pinili kong i-block ka sa lahat ng social media kasi alam ko sa sarili ko na kapag hindi ko ginawa yun? magkakaroon at magkakaroon pa rin ng chance na mag-usap tayo at mauuwi lang ulit sa parehong kwento.

Kilala ko din ang sarili ko pagdating sa'yo. Sobrang lambot ko, kaya kahit masakit, pinipilit kong tiisin. Pero sa totoo lang, ako lang yung kawawa sa huli.

Hindi ka na rin bago sa mga pagkakamaling ginawa mo, pero ako yung paulit-ulit na umiintindi. Ako yung laging nagbibigay ng second chance kahit malinaw na wala namang nagbabago.

Sabi nga nila, kapag nagkamali ka, inaamin, inaayos, at hindi na inuulit. Pero sa'yo, inulit-ulit mo. At sa bawat pag-ulit, ako yung nauubos.

Kung hindi ka naaawa sa'kin, okay lang. Kasi ngayon, ako na yung naaawa sa sarili ko. Ayoko nang magmukhang tanga sa isang sitwasyong matagal ko nang dapat tinapos. Paulit-ulit lang tayo.

At sa pagkakataong to tama na.

🥺🥺