PECU Negros Occ.

Alinsunod sa PNP Focused Agenda na Community Support at sa pamumuno ni PBGEN ROGELIO Z RAYMUNDO JR, habang nagsasagawa ng mobile patrol operation at police visibility sa Brgy. Maranding, Lala, Lanao del Norte, napansin ng grupo na pinamumunuan ni PCMS Albaño, Team Leader, sa ilalim ng superbisyon ni PMAJ LENARD RELOJ CARANDANG, Officer-In-Charge, RECU 10, ang isang matandang babaeng walang tirahan na nakaupo sa gilid ng eskinita at humihingi ng pagkain sa mga dumaraan.

Dahil sa malasakit at hangaring makapagbigay ng tulong sa nangangailangan, agad nilapitan ng mga tauhan ang nasabing matanda at nagkaloob ng food packs at inuming tubig bilang ayuda. Ipinakita ng naturang gawain ang tunay na diwa ng serbisyong nararamdaman at may malasakit, at pagiging makatao ng kapulisan sa komunidad.

Ang simpleng gawaing ito ay sumasalamin sa patuloy na dedikasyon ng PNP-EOD/K9 Group sa pagpapanatili hindi lamang ng kapayapaan at kaayusan kundi pati na rin ng malasakit at tiwala ng mamamayan sa kapulisan.