Alabel Information Office

The Local Government Unit of Alabel proudly joins the nation in celebrating the 52nd National Nutrition Month this July 2026.

Ang pagsaulog sa National Nutrition Month gihimo matag bulan sa Hulyo subay sa Presidential Decree No. 491 (Nutrition Act of the Philippines), nga nagdeklara sa Hulyo isip Nutrition Month aron mapalig-on ang kahibalo ug partisipasyon sa publiko sa pagpalambo sa hustong nutrisyon sa nasud.

Karong tuiga, atong gisaulog ang tema nga "Nutrisyon at Kalikasan, Ating Pangalagaan!"—usa ka pahinumdom nga ang maayong nutrisyon ug limpyo nga kalikupan magkauban sa pagtukod og himsog, lig-on, ug malungtarong komunidad.

Ginaagda namo ang tanang Alabelian sa aktibong pag-apil sa mga kalihokan ning bulana aron mapalambo ang kahibalo sa hustong nutrisyon, pag-atiman sa atong kalikupan, ug pagtinabangay alang sa mas himsog nga kaugmaon sa atong komunidad.

Maayong ika-52 nga National Nutrition Month! (ALABEL INFORMATION OFFICE)

1,346 KA PAMILYA SA BRGY. TOKAWAL NAKADAWAT OG FAMILY FOOD PACKS GIKAN SA DSWD

ALABEL, Sarangani – Mokabat sa 1,346 ka pamilya sa Barangay Tokawal ang nakadawat og Family Food Packs gikan sa Department of Social Welfare and Development (DSWD) isip kabahin sa ayuda sa National Government alang sa mga pamilyang naapektuhan sa linog, niadtong Martes, Hunyo 30, 2026.

Aron masiguro ang hapsay, organisado, ug malinawon nga pag-apod-apod sa mga Family Food Packs ngadto sa matag benepisyaryo, aktibong mitabang ang Lokal nga Panggamhanan sa Alabel sa tibuok proseso sa distribusyon. Gipahigayon kini uban sa suod nga koordinasyon sa Barangay Local Government Unit (BLGU) sa Tokawal, mga volunteer, Bagani, ug mga miyembro sa law enforcement agencies. Pinaagi sa lig-on nga panagtinabangay sa tanang sektor, nahimo ang distribusyon sa husto, patas, ug sistematikong paagi.

Ang mga Family Food Packs naggikan sa National Government pinaagi sa DSWD, samtang ang LGU sa Alabel maoy naghatag og suporta sa koordinasyon ug implementasyon sa maong kalihokan aron masiguro ang hapsay, episyente, ug luwas nga paghatod sa ayuda ngadto sa mga benepisyaryo.

Padayon ang distribusyon sa Family Food Packs sa ubang nahibiling mga barangay sa Alabel sumala sa opisyal nga iskedyul. Gihangyo sa LGU sa Alabel ang mga residente nga maghulat lamang sa pahibalo sa ilang tagsa-tagsa ka barangay ug magpadayon sa pagtinabangay sa mga otoridad aron mapadayon ang malinawon ug organisadong pagpatuman sa maong programa.

Nagpasalamat ang LGU sa Alabel sa tanang opisyal sa barangay, mga volunteer, Bagani, mga miyembro sa law enforcement agencies, ug sa tanang indibidwal nga mitampo sa ilang panahon ug serbisyo aron masiguro nga ang tabang sa gobyerno maabot sa matag pamilyang benepisyaryo. Ang maong panagtinabangay nagpakita sa lig-on nga kooperasyon tali sa nasyonal ug lokal nga panggamhanan sa paghatag og episyente ug matinud-anong serbisyo alang sa kaayohan sa katawhan. (ALABEL INFORMATION OFFICE)



(📷: LGU Alabel)

📌

𝗙𝗮𝗰𝗲-𝘁𝗼-𝗳𝗮𝗰𝗲 𝗰𝗹𝗮𝘀𝘀𝗲𝘀 𝗿𝗲𝗺𝗮𝗶𝗻 𝘀𝘂𝘀𝗽𝗲𝗻𝗱𝗲𝗱 𝘂𝗻𝘁𝗶𝗹 𝗝𝘂𝗹𝘆 𝟭𝟱, 𝟮𝟬𝟮𝟲. Dobleng ingat sa mga posibleng aftershocks at patuloy na pag-ulan. Unahin ang kaligtasan ng bawat isa.