Sarangani Ronda Probinsya

Gov. Ruel Pacquiao nagmando sa paghatag og ₱1 milyon nga tabang sa Alabel ug tag-P50,000 kada barangay niini

Pinaagi sa Ronda Probinsya, paspas ug pasiunang gimando ni Governor Rogelio “Ruel” D. Pacquiao ang paghatag og ₱1 milyon nga pinansyal nga tabang alang sa Munisipyo sa Alabel ug sa mga barangay sa Spring, Bagacay, Datal Anggas, Kawas, ug Baluntay.

Kadungan sa pagsaulog sa adlawng natawhan ni Alabel Mayor Lilibeth J. Salarda, MPA, personal nga gitunol sa mga representante sa Ronda Probinsya ug sa Sarangani Barangay Affairs Unit ang ₱1 milyon nga tseke.

Dugang pa niini, nakadawat usab ang matag usa sa maong mga barangay og ₱50,000 nga pinansyal nga tabang isip suporta sa ilang Barangay Foundation Anniversary. Ang maong ayuda gitumong aron matubag ang nagkadaiyang panginahanglan sa mga komunidad.

Mapasalamaton kining gidawat sa mga Punong Barangay, nga miingon nga dako kini og ikatabang sa ilang padayon nga pagbangon gikan sa epekto sa Magnitude 7.8 nga linog.

Miatubang usab sa turnover sila Assistant Ronda Probinsya Program Director Engr. Incencio Morales ug Sarangani Barangay Affairs Unit Program Manager Loradelle G. Solarte.

Sa Ronda Probinsya, Buhay ng Sarangan Maginhawa.

𝗥𝗼𝗻𝗱𝗮 𝗣𝗿𝗼𝗯𝗶𝗻𝘀𝘆𝗮 𝗻𝗶 𝗚𝗼𝘃𝗲𝗿𝗻𝗼𝗿 𝗣𝗮𝗰𝗾𝘂𝗶𝗮𝗼, 𝗣𝗮𝗱𝗮𝘆𝗼𝗻𝗴 𝗡𝗮𝗴-𝗮𝗹𝗮𝗴𝗮𝗱 𝘀𝗮 𝗕𝗮𝗿𝗮𝗻𝗴𝗮𝘆 𝗗𝗮𝘁𝗮𝗹 𝗧𝗮𝗺𝗽𝗮𝗹, 𝗠𝗮𝗹𝘂𝗻𝗴𝗼𝗻 𝗧𝗮𝗹𝗶𝘄𝗮𝗹𝗮 𝘀𝗮 𝗺𝗴𝗮 𝗔𝗳𝘁𝗲𝗿𝘀𝗵𝗼𝗰𝗸 𝘀𝗮 𝗠𝗮𝗴𝗻𝗶𝘁𝘂𝗱𝗲 𝟳.𝟴 𝗻𝗴𝗮 𝗟𝗶𝗻𝗼𝗴

Sa pag-atubang sa mga posibleng aftershocks human sa makalilisang nga 7.8 magnitude nga linog, ang Ronda Probinsya ni Governor Rogelio “Ruel” D. Pacquiao, MMPA, nagpabiling duol sa katawhan aron masiguro nga ang mga Sarangan matabangan sa panahon sa pagbangon.

Sa pagserbisyo sa Barangay Datal Tampal, Malungon, ang programa nagdala og nagkalain-laing serbisyo sama sa:
✅ PhilHealth Yakap Enrollment alang sa mas sayon nga access sa health services
✅ Libreng maintenance medicine alang sa atong mga senior citizens
✅ Libreng medical consultation ug check-up alang sa tanan

Kini nga inisyatibo gipalig-on pinaagi sa pagtinabangay uban sa Rural Health Unit (RHU) Malungon nga gipangulohan ni Municipal Health Officer Dr. Rafaida G. Hernandez, uban sa mga opisyal sa barangay nga gipamunuan ni Punong Barangay Jose King D. Tampal ug mga katuwang sa lokal nga pangagamhanan.

Sa pagadto sa programa gipakita kini ang padayong panerbisyo sa komunidad taliwala sa mga epekto sa linog, kay ang tinuod nga panerbisyo dili lamang kutob sa pagtubag sa kalamidad, kundi apil usab ang padayon nga pag-atiman sa kahimsog ug kaayohan sa matag Sarangan.

Padayon ang Ronda Probinsya sa pagserbisyo.

“Sa Ronda Probinsya, Buhay ng Sarangan Maginhawa.”

Bangon, Sarangani!

𝗥𝗼𝗻𝗱𝗮 𝗣𝗿𝗼𝗯𝗶𝗻𝘀𝘆𝗮 𝗻𝗶 𝗚𝗼𝘃. 𝗣𝗮𝗰𝗾𝘂𝗶𝗮𝗼 𝘂𝗴 𝗣𝗕𝗠𝗟𝗣 𝗡𝗮𝗸𝗶𝗴𝗱𝘂𝘆𝗼𝗴 𝘀𝗮 𝗣𝗮𝗴𝗵𝗮𝘁𝗼𝗱 𝘂𝗴 𝗥𝗲𝗹𝗶𝗲𝗳 𝗚𝗼𝗼𝗱𝘀 𝘂𝗴 𝗟𝗶𝗯𝗿𝗲𝗻𝗴 𝗦𝗲𝗿𝗯𝗶𝘀𝘆𝗼 𝘀𝗮 𝗕𝗿𝗴𝘆. 𝗟𝗶𝗯𝗶, 𝗠𝗮𝗹𝗮𝗽𝗮𝘁𝗮𝗻

Aron masiguro ang paspas nga pagpaalim ug pagpahiuli sa atong mga kaigsoonan human sa Magnitude 7.8 nga linog kainadtong Hunyo 8, ang Ronda Probinsya ni Governor Rogelio “Ruel” D. Pacquiao, MMPA, dungan sa nagkaduhang kaabag nga probinsya ug organisasyon daling mipadangat og hinabang ngadto sa Barangay Libi, Malapatan.

Kini ang mga libreng tabang ug kalinga nga direktang nadawat sa mga residente:

✅Libreng Medical Check-up ug Consultation
✅Libreng Vitamins, Maintenance, ug Supplements alang sa mga bata, buntis, ug senior citizen
✅Libreng Immunization
✅Libreng Ultrasound
✅Libreng Dental Check-up
✅Lirbreng gupit
✅ Dugang Ayuda – Pag-apud-apod og Relief Goods gikan sa Ronda Probinsya ug PBMLP aron matabangan ang mga pamilya sa ilang inadlaw-adlaw nga panginahanglan.
✅Ug uban pang mga serbisyo alang sa kaayohan sa komunidad

Pinaagi sa nagkahiusang pagtinabangay sa Sarangani Barangay Affairs Unit, Provincial ug Municipal Health Office, Barangay Health Workers, Barangay Health Enthusiast and Response Team, Provincial Board Members League of the Philippines, ug ang dakong suporta gikan sa Cotabato Province, kauban si Punong Barangay Wenefredo C. Maguan, malampuson nga napahigayon ang relief ug medical mission alang sa komunidad.

Kini nga pag-unong gikan sa nagkalain-lain nga sektor nagpakita nga sa panahon sa krisis, mas mokusog ang diwa sa bayanihan.

Dako ang atong pasalamat sa tanang mibarog ug mitabang aron masiguro nga walay pamilyang Sarangan ang mabiyaan sa dalan sa pagbangon.

Bangon, Sarangani!

“Sa Ronda Probinsya, Buhay ng Sarangan Maginhawa.”