Al-burj Updates

കളരിപ്പയറ്റിനെ കുറിച്ചുള്ള ഒരു ആധികാരിക ഗ്രന്ഥം, കളരിപ്പയറ്റിന്റെ ഈറ്റില്ലമെന്ന് അറിയപ്പെടുന്ന കടത്തനാട്ടിൽ നിന്നും ആദ്യമായി കടത്തനാടൻ കളരിപ്പയറ്റിന്റെ ആചാര്യൻ എന്നറിയപ്പെടുന്ന *കടത്തനാട് ചന്ദ്രൻ ഗുരുക്കൾ* രചിച്ച
*"കടത്തനാടൻ കളരിപ്പയറ്റ് അടിസ്ഥാനതത്വങ്ങൾ"*
എന്ന ഗ്രന്ഥം 1999 ഫെബ്രുവരി 5 ന് പ്രസിദ്ധീകരിക്കുകയുണ്ടായി. നീണ്ട 20 വർഷങ്ങൾക്കു ശേഷം കളരി ഗുരുക്കന്മാരുടെയും, അഭ്യൂദായാകാംക്ഷികളുടെയും അഭ്യർത്ഥനയും നിര്ബന്ധവും കാരണം 2019 മാർച്ച് 10ന് ഈ ഗ്രന്ഥം പരിഷ്കരിച്ചു പ്രസിദ്ധീകരിചിരിക്കുകയാണ് കടത്തനാട് K.P. C. G. M കളരിസംഘം പുതുപ്പണം.
എന്താണ് കളരിപ്പയറ്റ്?
എന്തിനാണ് കളരിപ്പയറ്റ്?
എന്നൊക്കെ മനസ്സിലാക്കാനും കടത്തനാടൻ സമ്പ്രദായത്തെ കൂടുതലടുത്തറിയാനും ഈ പുസ്തകം അനിവാര്യമാണ്. 250 കൂടുതൽ പേജുള്ള പുസ്തകത്തിൽ നിരവധി ഫോട്ടോകൾ ആവശ്യാനുസരണം ഉൾപ്പെടുത്തിക്കൊണ്ട് കളരിപ്പയറ്റിലെ നാല് ഭാഗങ്ങളെയും കുറിച്ച് നല്ല രീതിയിൽ വിശദീകരിച്ചിട്ടുണ്ട്.
ഒന്നാം ഭാഗമായ മെയ്യ് തൊഴിലിലെ അടിസ്ഥാനപരമായ എണ്ണതേപ്പ്, കച്ചകെട്ട്, ചുവടുകൾ, വടിവുകൾ, ചുവടുകളും വടിവുകളും തമ്മിലുള്ള വ്യത്യാസം, ആചാര കൈകൾ, കളരി വണക്കങ്ങൾ, കളരിപ്പയറ്റിലെ മുദ്രകൾ, 18 മെയ്യ് അടവുകൾ, 6 കൈകുത്തി പയറ്റുകൾ, 6 പകർച്ച കൈ പയറ്റുകൾ, 6 കാലുയർത്തി പയറ്റുകൾ, 6 പകർച്ചക്കാൽ പയറ്റുകൾ, ചവുട്ടി പാട്ട്, മെയ്യ് ശാന്തം, കളരിയിലെ ഉഴിച്ചിൽ കൂടാതെ രണ്ടാം ഭാഗമായ കോൽത്താരിയിലെ പന്തീരുചാൺ വീശൽ, 8 ചാൺ പയറ്റ് അഥവാ ശരീര വടി പയറ്റ്, 7 ചാൺ വീശൽ അഥവാ പടവീശൽ, 6 ചാൺ പയറ്റ്, മുച്ചാൺ പയറ്റ്, ഒറ്റയാൻ പയറ്റും, മൂന്നാം ഭാഗമായ അങ്കത്താരി യിലെ കഠാര പയറ്റ് അഥവാ ഗണപതി യങ്കം, വാൾപയറ്റ് അഥവാ കുക്കുടാങ്കം, വാളും പരിചയും പയറ്റ് അഥവാ പുലിയങ്കം, കുന്ദ പയറ്റ് അഥവാ നാഗാങ്കം, മറപിടിച്ച് കുന്തപയറ്റ് അഥവാ നാഗപുലിയങ്കം, ചുരുളങ്ക പടവീശൽ അഥവാ ഉറുമി, തുടങ്ങിയവയും, നാലാം ഭാഗമായ വെറും കൈയിൽ മെയ്ക്കരുത്ത് പരിശീലനത്തോടുകൂടി ബാലിച്ചടക്കം, പന്നിച്ചടക്കം, ഭീമൻ മല്ല്, അർജുനസൂത്രം, പാഞ്ചാലിമോഹനം, ധർമപുത്ര വിജയം ഇവയൊക്കെ വിശദമായി പ്രതിപാദിച്ചിട്ടുണ്ട്. കടത്തനാട്ടിലെ പഴയകാല കളരി ഗുരുക്കന്മാരിൽ പ്രസിദ്ധനായിരുന്ന സേന്റോം കേളു ഗുരുക്കളുടെ മകനും കടത്തനാട് കെ.പി.സി.ജി.എം സംഘത്തിന്റെ സ്ഥാപകനുമായ കടത്തനാട് ചന്ദ്രൻ ഗുരുക്കൾ കളരിപ്പയറ്റിനെ ജനകീയ വൽക്കരിക്കുകയുണ്ടായി. തലമുറകൾ കൈമാറിവന്ന കളരി പാരമ്പര്യം പുതു തലമുറകൾക്കു കൈമാറുന്ന അതിന്റെ ഭാഗമായി "കടത്തനാടൻ കളരിപ്പയറ്റ് അടിസ്ഥാനതത്വങ്ങൾ" എന്ന ഗ്രന്ഥം പ്രസിദ്ധീകരിക്കുകയുണ്ടായി.
കളരിപ്പയറ്റ് പഠിച്ചവർക്കും പഠിക്കാൻ ആഗ്രഹിക്കുന്നവർക്കും ഈ പുസ്തകം ഒരു മുതൽക്കൂട്ടായിരിക്കും.
കടത്തനാട് ചന്ദ്രൻ ഗുരുക്കളുടെ മക്കളായ ഗുരുക്കൾ
*മധു പുതുപ്പണവും * *അനുജൻ വിനോദ് ഗുരുക്കളും* ഇന്നും ഈ കളരി പാരമ്പര്യം കാത്തു സൂക്ഷിച്ചു വരുന്നു. കേരള സർക്കാരിന്റെ കേരള ഫോക്ക്ലോർ അക്കാദമിയുടെ അവാർഡ് അടക്കം നിരവധി പുരസ്കാരങ്ങൾ നേടിയ മധു ഗുരുക്കൾ കേരളത്തിനകത്തും പുറത്തുമായി വിദേശികളടക്കം നിരവധി പേരെ കളരി വിദ്യ പരിശീലിപ്പിക്കുകയും, ഗുരുക്കളുടെ ശിഷ്യന്മാർ കേരളത്തിനകത്തും പുറത്തുമായി നിരവധി പരിശീലന കേന്ദ്രങ്ങൾ നടത്തിവരികയും ചെയ്യുന്നു .
2019 ൽ പരിഷ്കരിച്ച് പ്രസിദ്ധീകരിച്ച ഈ ഗ്രന്ഥത്തിന് വിവിധ പ്രദേശങ്ങളിൽ നിന്നും ലഭിച്ച നല്ല അഭിപ്രായത്തിനും പുസ്തക പ്രസിദ്ധീകരണ വേളയിൽ സഹകരിച്ച എല്ലാവരോടും ഈ അവസരത്തിൽ കളരി സംഘത്തിന്റെ നന്ദി രേഖപ്പെടുത്തുന്നു.
ഈ പുസ്തകം ആവശ്യമുള്ളവർ DC ബുക്സുമായോ, പുതുപ്പണം കടത്തനാട് കെ.പി.സി.ജി.എം കളരി സംഘവുമായോ ബന്ധപ്പെടുക.
*വിളിക്കേണ്ട നമ്പർ*
9847106417, 9495787181, 9961563144

Kadathanadan Kalari Payattu Adisthana Thathwangal | Author Kadathanad Chandran Gurukkal കളരിപ്പയറ്റിനെ കുറിച്ചുള്ള ഒരു ആധികാരിക ഗ്രന്ഥം, കളരിപ്പയറ്റിന്റെ ഈറ്റില്ലമെന്ന് അറിയപ്പെടുന്ന കടത്തനാട്ടി...