RMFM Rukum

दाङको घोराहीबाट रुकुम जादै गरेको यात्रुवहाक बस सल्यानमा दुर्घटना भएको छ । बुधबार बिहान रा १ ख २०८५ नम्बरको बस सल्यानको बागचौर नगरपालिका वडा नम्बर २ ठिनबाङ खोला पुलमा दुर्घटना भएको बताईएको छ।

दुर्घटनामा परेर एक दर्जन यात्रुहरु घाइते भएको र घाइते मध्य दुई जनाको अवस्था गम्भीर रहेको स्थानीयले बताएका छन् । घाइतेहरुलाई उपचारको लागि जनप्रिय पोलि क्लिनिक र सहज पोलि क्लिनिकमा लिइएको छ ।

बस पुलछेउबाट तल खसेको बताईन्छ । दुर्घटनाको कारण र क्षतिको एकिन विवरण आउन बाँकी रहेको छ ।