School Liaison Program DPO Chitawan

विद्यालय सम्पर्क कार्यक्रम संचालनः-
समुदाय-प्रहरी साझेदारी अभियान अन्तर्गत मिति २०७६ फाल्गुण ०४ गते दिनको १४;०० बजे ईलाका प्रहरी कार्यालय दिव्यनगर चितवनको आयोजनामा जिल्ला चितवन भरतपुर महानगरपालिका वडा नं. २८ जितपुर स्थित अलमाईट एकेडेमीको सभाहलमा विद्यालय सम्पर्क कार्यक्रम संचालन भएको, अलमाईट एकेडेमी, साझापुरम मा.वि. साझापुर तथा सरस्वती मा.वि. जितपुरका विद्यार्थीहरु तथा शिक्षक प्रतिनिधीहरु समेत गरी १०० जनाको सहभागितामा संचालित सो कार्यक्रममा ईलाका प्रहरी कार्यालय दिव्यनगरका कार्यालय प्रमुख प्रहरी नायव निरीक्षक सुनिल कुमार थापाले लागुऔषध दुर्व्यसन, लैङ्गिक/घरेलु हिंसा सम्बन्धमा सचेतनामुलक प्रशिक्षण दिनु भई उक्त कार्यक्रम ऐ.ऐ. १५;३० बजे समापन भएको ।

प्रहरी संग एक दिन कार्यक्रम संचालनः-
समुदाय-प्रहरी साझेदारी अभियान अन्तर्गत मिति २०७६ फाल्गुण ०४ गते आईतबार बिहान ११;०० बजे ईलाका प्रहरी कार्यालय माडी चितवनको आयोजना एवं श्री बिरेन्द्र राष्ट्रिय आधारभुत विद्यालयको समन्वयमा प्रहरी संग एक दिन कार्यक्रम संचालन भएको, जिल्ला चितवन माडी नगरपालिका वडा नं. ०६ स्थित श्री बिरेन्द्र राष्ट्रिय आधारभुत विद्यालय कक्षा ४ र ५ मा अध्ययनरत ३५ जना विद्यार्थीहरु तथा शिक्षक प्रतिनिधी समेतको सहभागितामा संचालित सो कार्यक्रममा ईलाका प्रहरी कार्यालय माडी चितवनको बिभिन्न शाखाहरुको बारेमा जानकारी प्रदान गरी कार्यालयको स्थलगत अवलोकन गराउनुको साथै कार्यालयको नागरीक सहायता कक्षमा ईलाका प्रहरी कार्यालय माडी चितवनका कार्यालय प्रमुख प्रहरी निरीक्षक हर्क बहादुर बिश्वकर्माले घरेलु/लैङ्गिक हिंसा, लागु औषध दुर्व्यसन तथा जातिय छुवाछुत सम्बन्धमा सचेतनामुलक प्रशिक्षण दिनु भई उक्त प्रशिक्षण कार्यक्रम ऐ.ऐ. १२;३० बजे समापन भएको ।