Newsensecomputer

कम्प्युटरका लागि केहि महत्वपूण सफ्टवेयरहरु !
========================
(जानकारी शेयर गर्ने गर्नुहोला ता की तपाइको फेसबुक हेर्नेले पनि केही ज्ञान पाओस )
================================
साना साना कुराले पनि कम्प्युटरमा निकै दुख
पाइरहिएको हुन्छ । केहि विशेष
सफ्टवेयरको बारेमा थाहा हुँदो हो त
त्यस्ता अफ्ठ्याराहरु निकै कम हुन्छन् ।
यहाँ कम्प्युटरका महंगा र चलाउँन सिक्नै पर्ने
सफ्टवेयरका बारेमा कुरा गर्न खोजिएको हैन ।
यहाँ म यस्ता सफ्टवेयरहरुका बारेमा कुरा गर्दैछु
जसका बारेमा कमैलाई थाहा छ तर अति नै
उपयोगी छन् । र, जसको प्रयोगले तपाईको कम्प्युटर
सजिलो र छिटो पनि हुन्छ । रमाइलो कुरा त यो छ
कि अति नै उपयोगी भएपनि यी सफ्टवेयरहरुले
कम्प्युटरमा बढि स्पेस लिदैनन् । यसलाई तपाईले
माइक्रोसफ्टको पुरानो भर्सनहरु लिएर
नयाँ विन्डोज ८ मा पनि मज्जाले प्रयोग गर्न
सक्नुहुनेछ ।
तपाईलाई कुन सफ्टवेयर आवश्यक छ, तल हेर्नुहोस् ।
१. अनलकर (Unlocker) : तपाईले कुनै कुनै फाइल
तथा फोल्डरहरु डिलिट गर्न खोज्दा “file is in use”
भनेर डिलिट नभएर दिक्क पारेको होला ।
यस्तोमा यो सफ्ट्वेयर उपयोगी हुन्छ । यसले
यसरी लक (Lock) भएका फाइल तथा फोल्डरहरुलाई
बन्द गरिदिन्छ ।
२. डबल किलर (Double killer) : डाउनलोड र कपी गरेर
राख्दा राख्दै एउटा डकुमेन्ट वा गीत र फोटोहरु
धेरैवटा फोल्डरमा हुन सक्छन् । यो सफ्ट्वेयरले एउटै
कम्प्युटरमा रहेका एकभन्दा बढी उही डकुमेन्टहरु
हटाउँछ ।
३. माउस जिग्लर (Mouse Jiggler) :
तपाईको कम्प्युटर केहि बेर नचलाउँदा स्लिप
मुडमा जान्छ । यसैले स्लिप मुडमा जान नदिन
केहि बेरमा माउस वा किबोर्ड चलाइरहनु पर्ने हुन्छ ।
यस्तोमा यो माउस जिग्लर भन्ने सफ्टवेयरले काम गर्छ
। यसले कम्प्युटर नचले पनि कम्प्युटरलाई स्लिप
मुडमा जान दिदैन ।
४. मेलस्टोर (MailStore) : यदि तपाई इन्टरनेट
नभएको ठाउँमा पनि आफ्नो इमेलहरु हेर्न चाहनु हुन्छ
भने यसको प्रयोग गर्न सक्नुहुनेछ । यसले
इन्टरनेटको पहुँचमा सबै इमेलहरु कम्प्युटरमा डाउनलोड
गर्छ जसलाई तपाईले पछि इन्टरनेट
नभएको ठाउँमा पनि हेर्न सक्नुहुन्छ । यसको मद्दतले
इमेलहरु पेन ड्राइभमा पनि राख्न सकिन्छ ।
५. टेराकपी (Tercopy) : तपाईले
कहिलेकाँही ठुला साइजका फिल्महरु
कपी गर्दा गर्दै बिचैमा केहि खराबी आएर फेरि सुरु
देखि नै फाइल कपी गर्नु पर्ने भएको छ कि छैन ?
यस्तोमा यो टेराकपी उपयोगी हुन्छ । यसले
कपी गर्न स्पिड बढाउँछ र केहि समस्या भए
त्योबारेमा बताउँछ ।
६. सोल्युटो (Soluto) : कम्प्युटर ओपन गर्दा अनेक
प्रोग्राम खुलेर ढिलो ओपन हुने समस्या यो सफ्टवेयरले
काम गर्छ । यसले अनावश्यक प्रोग्रामहरुलाई सुरुमै
ओपन हुनबाट रोक्छ र कम्प्युटर छिटो खुल्छ ।
७. इरेजर (Eraser) : कम्प्युटरबाट डिलिट
गरिएका फाइल तथ डकुमेन्टहरु
केहि सफ्टवेयरको सहयोगमा फिर्ता ल्याउँन
सकिन्छ । तपाईको गोपनियता भंग गर्न खोज्नेले
यसो नगर्नाल भन्न सकिदैन । यस्तोमा यो सफ्टवेयरले
सदाका लागि फाइलहरु डिलिट गर्न सहयोग गर्छ ।

ल्यापटप अव हरेक ब्यक्तिका लागि अभिन्न अंग जस्तै भैसक्यो । मानिसहरु नियमितरुपमा ल्यापटपमा बस्छन् । तपाइँ पनि त्यस मध्ये एक हो भने तपाइँका लागि अलिक डरलाग्दो खवर छ । अझ तपाइँ तपाइँ एचपी वा कम्प्याक ल्यापटप चलाउनु हुन्छ भने त सुन्दै झसंग हुनु होला । खासमा तपाइँको ल्यापटपको केवलमा जुनसुकै बेला पनि आगो लाग्न सक्छ ।
एचपी र कम्प्याक ल्यापटपमा केवल जल्ने समस्या बढ्दै गएपछि यी २ कम्पनीले ६० लाख भन्दा बढी विक्री भैसेका ल्यापटप बजारबाट फिर्ता मगाएका छन् ।मेरिकामा मात्र ५६ लाख ल्यापटप फिर्चा मगाइएको छ भने क्यानडामा ४ लाख ।
सन् २०१० देखि २०१२को बीचमा उत्पादन भएका यी २ कम्पनीका ल्यापटपमा केवल जल्ने समस्या देखिएपछि कम्पनिले ल्यापटप साट्ने सुविधा समेत दिएका छन् ।यस्तो साट्ने सुविधा वेवसाइटबाट पनि लिन सकिन्छ ।
अहिले सम्म २९ वटा ल्यापटपमा केवल जल्ने समस्या देखिएको छ । बजारमा केवल जल्ने समस्या देखिएपछि एचपीले आफ्नो कम्पनीको केवल प्रयोग नगर्न समेत आग्रह गरेको छ ।

तपाइँ कुनै जरुरी मिटिङमा हुनुहुन्छ, बाटोमा हुनुहुन्छ वा कक्षाकोठामा । महत्वपूर्ण काम छ तर ल्यापटपको ब्याट्रीको चार्ज सकिनै थाल्यो । ब्याट्री चार्ज गर्न एडाप्टर पनि ल्याइएको छैन वा एडाप्टर भएपनि चार्ज गर्ने ठाउँ छैन । काम थुप्रै भएपनि ब्याट्री सकिएर ल्यापटप बन्द हुने अवस्था आउँदा कसलाई चिन्ता नहोला र ? तर यस्तो हुँदा आशा मारिहाल्नु चाहीँ पर्दैन । चार्ज सकिएर मर्नै लागेको ब्याट्रीबाट समेत केही काम गर्न सकिन्छ, काइदा अपनाउने हो भने । यस्ता काइदामध्ये केही काइदा यस्तो बेलामा काम लाग्छन् जब तपाइँलाई चार्ज सकिनै थालेको ब्याट्रीको चार्ज अलिबेर खपाएर ल्यापटपमा केहीबेर काम गर्नुछ । केही काइदा भने निरोधात्मक प्रकृतिका छन्, ब्याट्री झ्याप्पै नसकियोस् र धेरै टिकोस् भन्नका लागि अपनाउनुपर्ने । छोटो समयका लागि ब्याट्री खपाउने तरिका निम्नानुसार छन् । यी तरिका अपनाउने हो भने सकिनै लागेको ल्यापटपको ब्याट्री अलिक बेर बढि टिकाएर ल्यापटपमा महत्वपूर्ण काम गर्न सकिनेछ । - ल्यापटपको ब्याट्री सेभर मोड अर्थात् इको मोडलाई सक्रिय पार्नुस् । - विभिन्न आउटर डिभाइस, पोर्ट तथा हार्डडिस्क र युएस बी माउस भए निकाल्नुपर्छ, तत्काल काम नलाग्ने एप्स तथा प्रोसस बन्द गर्ने गर्नुपर्छ । वाइफाइ समेत अफ गर्नुस् । तत्काल काम नगरिएका डिभाइस निस्त्रिmय पार्नका लागि ल्यापटपको कन्ट्रोल प्यानलमा गएर डिभाइज म्यानेजरमा देखिने डिभाइसमा राइट क्लिक गर्दै डिसएबल गर्नुपर्छ । - सेटिङ मिलाउने । ब्याट्री सकिनै लाग्दा पनि डिस्प्ले र किबोर्ड प्रयोग नगरी नहुने छ भने उर्जा खपत घटाउने गरी सेटिङ मिलाउनुपर्छ । यसका लागि किबोर्डको ब्याकलाइट अफ गर्ने, स्त्रिmनको ब्राइटनेस र रिजोलुसन कम गर्ने, आवाज कम वा बन्द गर्ने, आवाज नसुनी नहुने छ भने ल्यापटपको स्पिकरको साटो एयरबडबाट सुन्ने गर्नु पर्छ । - हार्डवेयर मात्र होइन विभिन्न खाले एप्स र प्रोसस -ड्रपबक्स, गुगल ड्राइभ आदि) लगायतका सफ्टवेयरले समेत उर्जा खपत गर्छन् । त्यसैले तत्काल प्रयोगमा नरहेका यस्ता सफ्टवेयर समेत बन्द गर्नुपर्छ । - ल्यापटपको कामलाई सरलीकरण गर्दा पनि उर्जा खपाएर ब्याट्री केही बढि टिकाउन सकिन्छ । ल्यापटपको ब्याट्रीको चार्ज प्रसस्त छ र रिचार्ज गर्न पनि तत्काल सम्भव छ भने एकैचोटीमा धेरै प्रोग्राम खोलर काम गर्छ सकिन्छ । यसो गर्दा प्रोसेसरमा धेरै लोड पर्छ र उर्जा पनि धेरै खपत हुन्छ । त्यसैले ब्याट्री सकिनै लागेको बेला कम भन्दा कम उर्जा खपत गर्न एक पटकमा एउटा मात्र एप्लिकेसन प्रयोग गर्ने र बढि श्रोतको खोजी गर्नुपर्ने र उर्जा खपत गर्ने प्रोग्राम नखोल्ने गर्नुपर्छ । कहिलेकाहीँ केही सिम्पल टुल्सको प्रयोग गरेर पनि ब्याट्रीको चार्ज टिकाउन सकिन्छ, जस्तै वर्ड डकुमेन्टको साटो सामान्य टेक्स्ट फाइल प्रयोग गर्ने । वर्ड फाइल खोल्दा के नै बढि ब्याट्री खपत होला र ? भन्ने लाग्न सक्छ । तर त्यसो होइन । वर्ड फाइलमा हुने विभिन्न खाले अटोम्याटिक एक्सन, फोटो तथा भिडियो इडिटिङ टुल्सले प्रोसेसरमा लोड थप्छन् र बढि उर्जा खपत हुन्छ । त्यसैले सामान्य टेक्स्ट टाइप गर्नुछ भने वर्ड फाइल खोल्नुको साटो टेक्स्ट फाइल खोल्दा ल्यापटपको ब्याट्री बढि टिक्छ ।

Acer core i5 4th gen touchscreen laptop with 6 gb ram and 1 tb harddrive with DVD-RW

Acer Aspire V5-561P-6823 Core™ i5-4200U 1.6GHz 1TB 6GB 15.6" (1366x768) TOUCHSCREEN DVD-RW BT WIN8.1 We**am GRAY

A Computer engineer's creation