Amazing Nepal

शेष घले दम्पतीको होटल दक्षिण एशियामै ‘द लक्जरी कलेक्सन’ ब्रान्डको पहिलो
– अस्ट्रेलियाका नेपाली व्यवसायी शेष घले र जमुना गुरुङले काठमाडौँको लैनचौरमा निर्माण गरिरहेको होटलको स्तरोन्नती भएर मेरियट इन्टरनेसनलको लक्जरी ब्रान्ड ‘द लक्जरी कलेक्सन’ को स्तरमा पुगेको छ । ‘द लक्जरी कलेक्सन’ धेरै खर्च गर्न सक्ने घरानीय पाहुनाहरू लक्षित सेवा हो ।
– आइतबार मेरियट इन्टरनेसनलका अध्यक्ष डेभिड मेरियटले निर्माणाधीन होटलको भ्रमण गर्दै लगानीकर्ताहरूको भिजन र लगानी क्षमताको प्रशंसा गरे ।
– सुरुमा होटल मेरियट इन्टरनेसनलकै शेराटन ब्रान्ड अन्तर्गत सञ्चालन गर्ने योजना भए पनि पछि स्तरोन्नति गर्दै लक्जरी कलेक्सन ब्रान्डमा परिवर्तन गरिएको हो । करिब ८ अर्ब रुपैयाँबाट बढेर १५ अर्ब रुपैयाँ लगानी पुग्ने बताइएको छ ।
– २२५ कोठासहितको यो होटल आगामी अक्टोबरदेखि सञ्चालनमा आउने अपेक्षा गरिएको छ, र यो दक्षिण एसियामै मेरियटको पहिलो लक्जरी होटल हुनेछ ।

🎉 यूएईमा नेपाली युवाको ऐतिहासिक सफलता!
चार वर्षअघि रोजगारीका लागि यूएई पुगेका २६ वर्षीय तयब खानले यूएई लटरीको ‘लक्की डे ड्र’ अन्तर्गत ३ करोड दिराम (करिब १ अर्ब २५ करोड रुपैयाँ) बराबरको ग्रान्ड ज्याकपट जितेका छन्।
उनी यूएई लटरीको ग्रान्ड ज्याकपट जित्ने पहिलो व्यक्ति बनेका छन्। उनको सफलताले विश्वभर रहेका नेपालीहरूमा उत्साह र खुसी थपेको छ। 🇳🇵✨

आईपीएल (IPL) मा नेपाली खेलाडी मात्र होइन, नेपाली रंगशालालाई पनि जोड्न सकिन्छ: रवि लामिछाने 🇳🇵🤝🇮🇳

भारत भ्रमणमा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेले नेपाल–भारत सम्बन्धलाई केवल परम्परागत राजनीति र कूटनीतिमा मात्र सीमित नराखी खेलकुद क्षेत्रसम्म विस्तार गर्नुपर्ने धारणा व्यक्त गरेका छन्।

भारतबाट प्रकाशित हुने प्रतिष्ठित दैनिक पत्रिका हिन्दुस्तान टाइम्समा प्रकाशित आफ्नो लेखमार्फत् उनले नेपाल–भारत सम्बन्धको अब शब्दावली नै परिवर्तन गर्नुपर्ने तर्क गर्दै सहकार्यका विभिन्न प्रस्तावहरू समेत राखेका छन्। उनले दुई देशबीचको सम्बन्धलाई भूराजनीतिक विवादबाट बाहिर निकालेर ‘विकास कूटनीति’ को आधारमा अझ प्रगाढ बनाउनुपर्ने जोड दिएका हुन्।

यसै सन्दर्भमा खेलकुदलाई सहकार्यको एउटा बलियो माध्यमका रूपमा प्रस्तुत गर्दै उनले हालै भारतको अहमदाबादमा प्रत्यक्ष रूपमा आईपीएल (IPL २०२६) को फाइनल खेल हेरेको उल्लेख गर्दै लेखेका छन्:

"We did not just watch the IPL final live in Ahmedabad recently; we have also been deeply contemplating how Nepali players and Nepali stadiums can be integrated into the IPL franchise." (हामीले हालै अहमदाबादमा आईपीएलको फाइनल खेल प्रत्यक्ष रूपमा मात्र हेरेनौं; नेपाली खेलाडी र नेपाली रंगशालाहरूलाई आईपीएल फ्रेन्चाइजमा कसरी समाहित गर्न सकिन्छ भन्नेबारे पनि गम्भीरतापूर्वक विचार गरिरहेका छौं।)

नेपाल र भारतबीचको खेलकुद कूटनीतिले दुवै देशको सम्बन्धलाई नयाँ उचाइमा पुर्‍याउने उनको विश्वास छ।