Finding Business Formula

ईपिएस भाषा परीक्षा असोज १० र ११ गते हुने
हेनेको सम्वाददाता
सउल, दक्षिण कोरिया |
मानव संसाधन बोर्ड (एचआरडी) कोरियाले रोजगार अनुमति प्रणाली (ईपीएस)अन्तर्गत पाँचौं कोरियन भाषा परीक्षा असोज १० र ११ गते गर्ने भएको छ । एचआरडीले सोमवार सूचना जारी गरी उक्त जानकारी दिएको हो ।

२०१४ का लागि अहिले ५७ सय कामदार मात्र बाकी छन, त्यसले गर्दा २०१५ का लागि अहिले भाषा परिक्षा नलिने हो भने २०१५ मा रोष्टर खाली हुन्छ, त्यसैले पनि भाषा परिक्षा लिन लागेको ईपिएस प्रमुख डिल्लीराम बास्तोलाले बताउनु भयो । सन् २०१३ मा ७ हजार ७ सय ८७ जनाले मात्र रोजगारका लागि फर्म भरेका हुन् । जसमध्ये झन्डै २७ सयको श्रम सम्झौता आइसकेको छ । त्यसैले पनि सन् २०१४ मा भाषा परिक्षा नलिने हो भने २०१५ का लागि रोष्टर पर्याप्त हुँदैन उहाले बताउनु भयो ।

कोरियास्थित रोजगारदाता कम्पनीले नेपाली कामदारलाई अहिले बढी प्राथमिकता दिएको छ । २०१४ का लागि कोरियाले इन्डोनेशियालाई पहिलो प्राथामिकतामा र नेपाललाई दोश्रो प्राथामिकतामा राखेको भए पनि जनवरीदेखि अहिलसम्म नेपाल पहिलो प्रथामिकतामा परेको छ ।

आगामी साउन १५ गते परीक्षासम्बन्धी जानकारी सार्वजनिक गरिने सूचनामा उल्लेख छ । परीक्षाको आवेदन फारम भर्ने मिति आगामी साउन २८ देखि ३१ गतेसम्मका लागि तोकिएको छ । साथै, भाषा परीक्षाको नतीजा असोज २९ गते सार्वजनिक गरिने सूचनामार्फत जानकारी दिइएको छ ।

नेपाल र कोरियाबीच इपिएस अन्तर्गत कामदार लैजान सन् २००७ मा भएको श्रम सम्झौतापछि सन् २००८ मा पहिलोपटक भाषा परीक्षा भएको थियो । सो परीक्षामा ६ हजार पाँच सय ८६ उत्तीर्ण भई कोरिया जान छनौट भएका थिए । यस्तै, दोस्रोपटक सन् ०१० मा भएको भाषा परीक्षामा चार हजार ९६ र तेस्रोपटक सन् ०११ मा १५ हजारभन्दा बढी कामदारलाई कोरियाले उत्तीर्ण गराएको थियो । सन् ०११ मा भएको भाषा परीक्षामा उत्तीर्ण भएका १० हजार बढी कामदार रोस्टरमा रहने भएपछि सन् ०१३ का लागि सन् ०१२ मा कोरियाले नेपालमा भाषा परीक्षा सञ्चालन गरेन ।
गत वर्ष २०१३ मा भने भाषा परीक्षामा ८ हजार ५१ जना उत्तीर्ण भएका थिए । उत्तीर्णमध्ये ७ सय १५ जना महिला छन् । परीक्षामा ३ हजार ६ सय ६२ जना कृषितर्फ र ४ हजार ३ सय ८९ जना भने उत्पादनमूलक कामका लागि उत्तीर्ण भएका थिए ।

http://www.youtube.com/watch?v=PGhkiNztpCw =352