NCC Student Union

हिजाे कलेज बंक गरेर बागबजार तिर डुल्दै तास खाँदै थियाैँ ।अचानक एउटाले सोध्यो, अोइ यो जामे मस्जिद भित्र जान दिन्छ कि दिँदैन ? हामी ७ जना केटाहरू थियाैँ, सबै जना हिन्दु । अर्काेले थप्यो, जुम न त, जान दिएन भने फर्काैँला । सबै जना जाने निर्णय गर्याैँ । भित्र छिरेपछि एक दुइ जनाले घुरेर पनि हेरे, हामीले वास्ता गरेनाैँ । माथि जाँदा जुत्ता खाेलेर माेबाइल अफ गरेर जानु पर्ने रहेछ । प्रार्थना गर्ने ठाउँनिर पुगेपछि तीन जना बुढाहरू अाएर हामीलाइ सोधे, तपाइँहरू हिन्दु हो ? हामीलाइ अब फर्काउँछ भन्ने लाग्या थियाे । हामीले नढाँटी हाे भन्याैँ । त्यसपछि ती बुढाले मुसुक्क हाँसेर भने, वेलकम टु जामे मस्जिद । ती बुढाले हामीलाइ मस्जिद भित्रकाे सबै जसाे ठाउँहरू देखाए, र खाजाकाे नाममा चना पनि खुवाए । उनले जत्ति इस्लाम धर्मकाे कुरा गरे, हामीसँग हिन्दु धर्मकाे कुरा पनि उत्तिकै सोधे । ती तीनै जना बुढाहरू पाकिस्तानबाट अवकाशप्राप्ति पछि नेपालकाे सेवा गर्छु भनेर अाएका रहेछन् ।

फर्कदाँ मनमनै सोचेँ, काेही मुस्लिम धर्मकाे मान्छे हाम्राे मन्दिरमा अाँउदा हामीले कहिले खाजा अफर गरेका छाैँ र ? धर्म त केवल अास्था हाे, विश्वास हाे, मानवता त बस् मानिसबाट अाउँछ ।

अस्तु ।