Manoj Raj Joshi

प्रेम कहिल्यै अनावश्यक हुँदैन,
न कहिले रोकिन्छ,
निरन्तर अगाडि बढिरहन्छ,
आफूले आफैलाई कहिले समेट्दै त,
कहिले मर्यादा हरुलाई तोडेर,

हर समय मा बढ्दै,
अनि प्रगाढ हुँदै,

यो यति नै सरल छ,
जस्तो नदी मा बगिरहेको जल,
अनि त्यति नै कठिन,
जस्तो समुन्द्र को गहिराइ !
म अनि मेरो भावना ✍️Ⓜ️

धेरै भेटेँ बाटोमा
थरिथरिका, परिपरिका।

केही मजस्तै यात्री थिए-
यात्राभरी साथ दिए
र छट्टिए।

केही व्यापारी थिए-
कारोबार गरे
बिदा भए।

केहीले रिस देखाए
केहीले प्रेम दिए।
केहीले बाटो देखाए
केहीले भड्काए।

साँची-
जानु कता थियो?
खोजी कसको थियो?

आफैँलाई एकबार सोध्नुछ
र खोज्नुछ !! ✍️Ⓜ️

जनै पुर्णिमा तथा रक्षाबन्धन २०८१ को सबैमा हार्दिक मङ्गलमय शुभकामना ।।