Sujan

आज शिल्पी नाटक घरमा नाटक "अछेता" हेर्ने अवसर मिल्यो। कर्णालीको माटो, त्यहाँको तीतो यथार्थ र सामाजिक विभेदलाई यति जीवन्त रूपमा प्रस्तुत गरिएको छ कि मनै भारी भएर आयो।
एउटा दलित शिल्पकार, जसले आफ्नै हातले मन्दिरको देवताको मूर्ति बनाउँछ तर उसैलाई "अशुद्ध" भन्दै प्रवेश निषेध गरिन्छ। जात व्यवस्था, धार्मिक उत्पीडन र राज्यको उदासीनताका बीच एउटा परिवारले आत्मसम्मान र मानवीय गरिमाका लागि गरेको संघर्षले भित्रै देखि हल्लाउँछ। यो केवल एउटा नाटक मात्र होइन, समाजको एउटा यस्तो ऐना हो जसले हामीलाई धेरै प्रश्नहरू छोडेर जान्छ।
समय निकालेर सबैले एकपटक हेर्नै पर्ने नाटक, टिम "अछेता" लाई उत्कृष्ट प्रस्तुतिको लागि धेरै-धेरै बधाई तथा शुभकामना। 🎭🤗🤗

पहिलो दृश्यदेखि नै दर्शकलाई अन्योलमा पार्छ — मञ्चमा नाटक भइरहेको हो, कि नाटकको रिहर्सल ? कलाकारहरू अभिनय गरिरहेका हुन् कि अभिनय गरेजस्तो अभिनय ? यही द्विविधालाई मुख्य शैली बनाउँदै मण्डला नाटकघरमा मञ्चन भइरहेको नाटक ‘ग्राण्ड रिहर्सल’ले दर्शकलाई अन्तिमसम्म बाँधेर राख्छ ।

रंगकर्मी उमेश तामाङ निर्देशित यो नाटकले हास्यरससँगै रंगमञ्चको संघर्ष, कलाकारको समर्पण र कलाप्रतिको लगावलाई प्रभावशाली ढंगले प्रस्तुत गरेको छ । बेलायती लेखक हेनरी लेविस, जोनाथन सेयर र हेनरी थिएल्द्सको कथामा आधारित नाटकलाई अनुप न्यौपाने र उमेश तामाङले नेपाली परिवेशमा रूपान्तरण गरेका हुन् ।

कलाकारहरूको अभिनय पनि नाटकको मुख्य आकर्षण बनेको छ । रुजा राउत, सुजन घिमिरे, मिलन कार्की, अनुप न्यौपाने, सुदीप खत्रीवाडा, रक्षा थापा, सन्तोष गिरी, अमिर ताम्राकार, श्रीसेश श्रेष्ठ, बलबहादुर राई र राजा बाबु कार्कीलगायत कलाकारहरूले चरित्रअनुसार प्रभावशाली अभिनय प्रस्तुत गरेका छन् । अझ रोचक कुरा, कलाकारहरूको वास्तविक नाम एकअर्काको चरित्रमा साटिएको छ, जसले हास्यलाई थप प्रभावकारी बनाएको छ ।
Thank you so much

मण्डला थिएटरमा ‘ग्राण्ड रिहर्सल’ले दर्शक बाँध्यो, जेठ ३ सम्म मञ्चन हुने नाटकभित्र नाटकको रोचक शैली, संघर्षरत कलाकारिता र रंगमञ्चको वास्तविकता एउटै मञ्चमा